TAIGÜTHUM 24:6 - Cho Bible Common Language 2016

⁶ M’htut gui cu la ne m’thoot goi ah m’thoot vai, m’thoot ät ung chuk ciah Bawipa ah om nak ung om ciah ghui bäng awn vook ah tawnglang ah khan ah tha vai.

TAIGÜTHUM 24:6 Referans Kwoze

1 GHANGPUGHANG GUI 7:48

Solomon naw Taigüim ah hmawk ah ghui khawhcham gui phi pyang ci; sonkiang, Khanpughi am douthak ah m’htut tha nak ah tawnglawng,

HEBRU 9:2

Khophung ah ama lam cu, pyang hnga ne “Hmun Theing,” cine k’bäi ci gui. Cun ah kyong ah meidäi taih nak la Khanpughi am vawihpeh vai ah m’htut taih nak ah tawnglaai cu om ci.

2 SHONTÄP NAK 13:11

A khawngawi päng, a mühun päng ung ngami naw tui ng’ui gui douthak u ne, seime gui apum ah m’khih ne khawihnah ci gui. Ngami naw theingthap ciah tawnglang ah khan ung m’htut cu taih ne douthak ci gui, a mühun tä sei ghui mei im ng’düi ung mei im gui cu m’däi ci gui. Keimi naw Bawipa ah ang thumkhän ah mäih ah kami bik ci, cun ung phi nangmi naw nami nawng ci.

2 SHONTÄP NAK 4:19

Ghangpughang Solomon naw Taigüim ah phäh ah ngoh awm nak gui vai phi ghui awn pyang ci: Khanpughi am m’htut douthak nak vai ah tawnglang la sonkiang;

1 KORIN 14:40

A mawng ammaa avan cu a khüimaai ang käkhtäng ah nami bi vai nei.

PHYAWN NAK 39:36

tawnglang la acun ung mang gui la Khanpughi am douthak ah m’htut;

NEHEMIAH 10:33

Taigüim khawihnah nak ung mang vai ah shin gui cu kami pek khai: m’htut theing, a hnüüp tä htang-douthak nak, a hnüüp tä seime gui m’khih ne khawihnah nak, kyin hnüüp ah phäh ah theing ciah douthak nak, cha theei pawi, ahei pawi gui a hei theingcim ciah douthak nak, Israel gui ah katnak nawt heng nak ah douthak nak, gui la a hei Taigüim ung hlü ci phung ah kyak ci.

EZEKIEL 41:22

Sing sonkiang ah mäih lawk ci om ci. Cun cu metre tumat la avang hlüng ci, metre tumat ng’shawng ci. Akit tung gui, ang nei la ak paang gui avan cu k’peen awn ami pyan ah kyak ci. Cun ah chang naw na pyen nak ci, “Shin cu Bawipa ah ma ah ng’düi ciah tawnglang ah kyak ci nei.”

PHYAWN NAK 25:30

Tawnglang cu Thukhän M’küm ah ma ah na hmoh vai. Tawnglang ah khan ah kei am nami na douthak vai ah, m’htut theing cu angtäi sei nami taih vai.

NEHEMIAH 10:34

Bawipa mi Khanpughi am thukhän naw a thäh ah khawihnah douthak cu m’khih nak vai ah sing cu, a u ni pahta naw pe lawk khai ci cu, hmat vai ah keimi, chang gui, taigü gui la Levit gui naw a kum tä sei m’shüih kami tawk khai.