TAIGÜTHUM 24:4 - Cho Bible Common Language 2016

⁴ Ghui bäng awn ami pyan ah mei im ng’düi khan ah om ciah mei im cu Aaron naw a geing nak vai ah kyak ci. Acun gui cu Bawipa ah ma ah angdäih ah ui sei a hmuh vai ah kyak ci.

TAIGÜTHUM 24:4 Referans Kwoze

PHYAWN NAK 31:8

Tawnglang la a cun ung mang gui, ghui bäng ah kyak ciah mei im ng’düi la a cun ung mang gui, ang ui m’khih nak ah sonkiang,

PHYAWN NAK 39:37

ghui bäng awn pyan ah mei im ng’düi, mei im gui, la acun ung mang gui, mei im ung kei vai ah situi;

THU PHLAAN 11:4

Cun ah saksi pahnih cu khomdek uk ciah ma ah ng’düi ciah olive singghing pahnih la mei im pahnih ah kyak ci.

THU PHLAAN 2:5

A i hlawk ah na yu kyak vü cu ngaih-tüh ba shüm ä, na kat nak ung kaa ng’yu ba ne, ak htük ung na bi ah mäih ah na bi ba vai nei. Na katnak ungka kä na ng’yu ba ah a kyak ung na om nak ah kei cu law netah, na mei ng’düi cu a hei ah ka ning hen pek khai nei.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

HEBRU 9:2

Khophung ah ama lam cu, pyang hnga ne “Hmun Theing,” cine k’bäi ci gui. Cun ah kyong ah meidäi taih nak la Khanpughi am vawihpeh vai ah m’htut taih nak ah tawnglaai cu om ci.

JEREMIAH 52:19

Ngami naw ghui la ngui awn pyan phung cu hteh püi ci gui: Khawk hta gui, mei cak ami m’kawn nak ah hlaw k’am gui, khawihnah nak ah asi ami m’cun nak ah khawk gui, m’vut khawk gui, mei im ng’düi gui, tui ng’ui m’khih nak ah khawk gui, ami douthak ah sapyit tui ami shawi nak ah khawk gui phi hteh püi ci gui.

1 SHONTÄP NAK 28:15

Mei im la mei im angdüinak,

1 GHANGPUGHANG GUI 7:49

Atheingcim Pikbäih Hmun ah ma ung ami m’düih ah mei-im ng’düi gha, a htumtäng ah hma, a siiptäng ah hma; cheipai gui, mei-im gui, la mei k’ceh gui;

KHEI NAK 4:9

Ngami naw sui m’kim la u neta, mei im tung, mei im, mei ceh, mei k’eh khawk la olive situ awn pyan gui avan cu ami uk vai.

KHEI NAK 3:31

Ngami ah bi cu Thukhän M’küm ami m’htei vai ah kyak ci. Cun ung tawnglang, mei im tung, sonkiang, taigü gui naw Atheingcim Hmun ung ami mang ah gukthen nak gui, la Atheing Pikbäih Hmun ung valuh nak ung yihdung gui ah kyak ci. Ngami naw shin ah a mawng gui awn ng’shünpha ci avan ami bi vai ah kyak ci.

TAIGÜTHUM 24:3

A mühun tä sei Aaron naw amdäi gui vai, a ngawi ung khaw ngawi güt amdäi vai, cun cu Bawipa ah om nak, yihdung ah akpung, Thukhän M’küm ah ama ah kyak ci, Atheingcim Pikbäih Hmun ung ah kyak ci. Shin ah thungyo cu lawk ciah khin avan ung ngaih nak vai ah kyak ci.

KHEI NAK 8:2

“Aaron am na m’thein vai, ani naw mei im chih cu mei im k’tung ung am hmoh law ung, a tha thei vai nei. Cun ung mei cu hmai lam ah khang khai.”

2 SHONTÄP NAK 29:7

Ngami naw Taigüim m’kawt khai u ne, mei phi m’sih u ne, Israel gui ah Khanpughi ah Taigüim ung ang ui m’khih vai la m’khih ne douthak gui vai phi kä bik ci gui.