TAIGÜTHUM 24:2 - Cho Bible Common Language 2016

² Israel chang gui am a pek gui vai ah shin ah k’bäi nak cu m’thein ci: olive situi angcim akni pi cu mei im ung kei vai ah Phung kyong ah nami law püi vai, cun ung mei cu angtäi ah ui ne däi khai.

TAIGÜTHUM 24:2 Referans Kwoze

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

JOHAN 5:35

Johan cu ng’läh ne däi ciah mei-im awn täng sei, ani ah akdei ung ashäng yei ne nami om hlük ci.

JOHAN 1:9

Akcang ah akdei cu khomdek khan ah gawk law ne chang van ah khan ah khang ci.

JOHAN 1:4

Ani ah kä tüisho a i phi kä om ci. Thu ung ghinnak om ci. Ghinnak cu chang gui ah akdei ah kya ci.

LUKA 12:35

Nangmi cu ng’düih law ghet vai ah sui-sa u ne, mei m’däi ge ne om vä.

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

ISAIAH 11:2

Bawipa ah mümcha naw aniam cüivai nak pek khai, Ak chang gui a uknak vai ah hmuhmat nak la m’khütnäng nak cu pek khai. Ani naw Bawipa ah ang yak hlü cu hmat ne, ani cu kyih aa khai;

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

SAM 119:130

Khukhai ne na m’theithang nak naw akdei cu pek ci, chang k’ang gui cu cüivai sak gui ci.

SAM 119:105

Na thu cu na shü ciah mei im ah kya ne, ka lam ung akdei ah kyak ci.

2 SHONTÄP NAK 13:11

A khawngawi päng, a mühun päng ung ngami naw tui ng’ui gui douthak u ne, seime gui apum ah m’khih ne khawihnah ci gui. Ngami naw theingthap ciah tawnglang ah khan ung m’htut cu taih ne douthak ci gui, a mühun tä sei ghui mei im ng’düi ung mei im gui cu m’däi ci gui. Keimi naw Bawipa ah ang thumkhän ah mäih ah kami bik ci, cun ung phi nangmi naw nami nawng ci.

PHYAWN NAK 40:24

Ani naw mei im ng’düi cu Phung kyong ah hei tha ne, a htum lam ah tawnglang awn hnungtuk khai ah hmoh ci.

PHYAWN NAK 39:37

ghui bäng awn pyan ah mei im ng’düi, mei im gui, la acun ung mang gui, mei im ung kei vai ah situi;

TAIGÜTHUM 24:1

Bawipa naw Moses am,

TAIGÜTHUM 24:3

A mühun tä sei Aaron naw amdäi gui vai, a ngawi ung khaw ngawi güt amdäi vai, cun cu Bawipa ah om nak, yihdung ah akpung, Thukhän M’küm ah ama ah kyak ci, Atheingcim Pikbäih Hmun ung ah kyak ci. Shin ah thungyo cu lawk ciah khin avan ung ngaih nak vai ah kyak ci.