TAIGÜTHUM 24:14 - Cho Bible Common Language 2016

¹⁴ “Cun ah chang cu shaum pigaw k’pung ah hteh püi vä. Ani ah ang plah ng’ya tuk ci phung naw, ani shekak ciah m’dang nak ah a kut alu khan ah taih sä. Cun kawn ah changbum van naw lung awn vawi ne ngawn vä.

TAIGÜTHUM 24:14 Referans Kwoze

THULÄÄN NAK 17:7

Saksi gui naw lung awn ami vawih law ma vai, cun kawn ah k’pawih ciah chang gui naw lung awn ami vawih tu vai. A shikcha ah nangmi naw akshe cu nami nawt heng vai.

THULÄÄN NAK 21:21

Cun kawn ah mang gaw ung om ciah chang gui naw lung awn vawi ne ami ngawn vai. Acun ah nangmi naw akshe cu nami nawt heng vai. Israel ung om ciah chang nü naw acun ah a kyak cu ng’ya u neta, kyik khai gui.

TAIGÜTHUM 20:27

A u pami, a u hnumi phi aksi ah mümcha naw a kai ah chang cu lung awn vawi ne ngawn vai, a u chang phi a cun ah bik ciah chang cu a sih nak vai ma nak ciah kyak ci.”

TAIGÜTHUM 20:2

Israel chang gui am, am thein gui vai ah pyen nak ci, “Nangmi ungka, kä cunung, nami ng’lung ah om tuk ciah a khaw hei chang tumat mat naw, a hta hmaw tumat mat cu Molek khanpughi khawihnah nak vai ah a pek ah a kyak ung, chang gui avan naw ani cu sik khai ah lung awn ami vawih vai.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

JOSHUA 7:25

Cun kawn ah Joshua naw, “A i ah kyasei shin ah khükha nak keimi ah khan ah na law püi ang? Tuhbäi Bawipa naw na khan ah khüikha nak law püi ci nei” cik ci. Chang avan naw Achan cu sik khai ah lung awn vawi ci gui. Akyong chang gui la a khawh gui cun phi lung awn vawi ne mei awn m’khih ci gui.

THULÄÄN NAK 22:21

Ngami naw cun ah hnumi cu apa ah im valuh nak ung law püi u neta, acun ah mang gaw chang gui naw ani cu lung awn vawi ne ngawn khai gui. Ani cu apa ah im ung a om yah ung kä a cei mah pha ung ng’yawpawm tu ne, mi chang gui ah ng’lung ah lü ng’a nak bik ciah kyak ci. A cuk cha ah nangmi naw akshe cu nami nawt heng vai.

TAIGÜTHUM 13:46

Ani cu cun ung a gaw ah chuih kä theingthap ciah kyak ci. Chang awn ng’shawng ne shaum pigaw ah k’pung ah a om vai.

TAIGÜTHUM 24:13

Bawipa naw Moses am a pyen nak cu,

THULÄÄN NAK 17:5

Cun ah chang cu la ne gawnu ah hteh püi neta, lung awn vawi ne nami ngawn vai.

1 GHANGPUGHANG GUI 21:10

Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.