TAIGÜTHUM 23:6 - Cho Bible Common Language 2016

⁶ A hnüüp gha lei hma hnüüp ung k’caw kä shum ah m’htut htun nak ah pawi cu tün ne, hnüüp chih ah kyong ung nangmi cu k’caw shum ah m’htut kä nami ei en vai.

TAIGÜTHUM 23:6 Referans Kwoze

THULÄÄN NAK 16:8

Cun kawn ah hnüüp chuk ung k’caw kä shum ne pyan ah m’hut cu nami ei vai. A hnüüp chih hnüüp ung Bawipa nami Khanpughi khawihnah vai ah nami ng’bum vai. A cu hnüüp a i kä nami bi vai.

PHYAWN NAK 34:18

“K’caw kä shum ah m’htut htun ne pawi cu nami bi kheng geng vai. Thumkhän ka ning pek gui ah mäih ah Abib cha khaw hnüüp chih ung k’caw kä shum ah m’htut nami ei vai, a i ah kyasei ci ung cun ah cha cu Egypt khaw nami hteh tak nak ah kyak ci.

PHYAWN NAK 12:14

Shin ah hnüüp cu yumnak ah pawi ah nami bi vai. Cun ah nami bi cu kei Bawipa naw ka bi gui, nami shüm ba nak ah nami bi ah kyak ci. Ngawi yä nami bi lä vai nei” cik ci.

PHYAWN NAK 23:15

Abib cha, Egypt khaw nami hteh taak nak ah cha ung, K’caw kä shum ah m’htut awn mang ei pawi cu, kei naw ka thumkhän ah mäih ah nami bi vai. Cun ah hnüüp chih pawi ah kyong ung k’caw shum ah m’htut phung kä nami ei vai. Douthak vai a i kä law püi ah law ne kei cu kä nami na khawihnah vai.

THULÄÄN NAK 16:3

Shin ah ei nami ei law ah akiak ung k’caw shum ne pyan ah m’htut kä nami ei en vai, kho hnüüp chih ung nangmi cu k’caw kä shum ah m’htut nami ei vai. Cun cu nangmi naw Egypt khaw ang ghit ah nami hteh tak law vai ung nami bi ah mäih ah kyak ci. Shin ah m’htut nami ei vai, Cun cu yaica nak ah m’htut ah pyen vai. Cun ah kya sei yaica nak a hmun, Egypt khaw ungka naw nami law ba nak ah hnüüp cu nami ghin ah chuih nami shüm ba vai ah kyak ci.