TAIGÜTHUM 23:40 - Cho Bible Common Language 2016

⁴⁰ Cun ah hnüüp ung nami sing ghing gui ah am theih akni pi gui cu nami k’bih vai, hliip ah ng’ban gui, sing khu ah ng’ban gui shum ät cu la neta, Bawipa nami Khanpughi m’tamkhah nak ah yum nak ah pawi cu nami tün vai.

TAIGÜTHUM 23:40 Referans Kwoze

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

ROMAN 5:11

Cun bäng ah kä kyak ciah Khanpughi naw mikmi cu, Bawi Khrit ung a teihpüi ah ana pyan gui pyi ah kya sei, yeikyai nak phi mi gah ci.

JOHAN 16:22

Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.

JOHAN 12:13

Ngami cu hliip hnah, m’chum hnah gui kawt ne law u netah, “Khanpughi ah bämang nak cu m’hlüngtai vä! Khanpughi ah ang ming awn kyum lawk ciah Bawipa ah khan ah hlüngtai nak om sä! Israel Ghangpughang ah khan ah Khanpughi ah m’shumphyuk nak om sä!” cine m’lau ne Bawipa Jesuh cu ana dou ci gui.

MATTHE 21:8

Bawipa Jesuh cu cun ah ng’se ung cun ci. Chang akda naw ami yih sui gui cu lam ung ana phah ci gui, chang amshah naw sing hnah gui shui ne lam ung phah ci gui.

ISAIAH 35:10

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

ISAIAH 66:10

Jerusalem ung lünlawi vä; ani ah hmawk ah yeikyai vä, cun ah mang gaw m’hni ci gui nami van! Ani ah hmawk ah thüi sei ci gui nami van, Tuhbäi ani awn yeikyai vä!

SAM 92:12

Ng’düng ciah chang gui cu sagui ghing ah mäih ah bämang u ne, Lebanon kho ah m’htai ghing ah mäih ah ng’ghaw bai khai gui nei.

TAIGÜTHUM 23:39

Nangmi naw nami lo ung geit nami khäm law ah a kyak ung, shin ah pawi cu hnüüp chih ung nami bi vai, a cha chih nak ah a hnüüp gha lei hma hnüüp ung nami tün vai. A hnüüp ät nak cu ng’düm nak vai ah aktung hnüüp ah kyak khai.

TAIGÜTHUM 23:41

Cun cu hnüüp chih ung nami bi vai. Shin ah thungyo gui cu nami hta nau gui naw lawk ciah a khin avan ung ami k’pan vai.

THULÄÄN NAK 12:7

Acun ah hriham ning pe gui ciah Bawipa nami Khanpughi ah ma ah nangmi la nami kyong chang gui naw nami bi ah hmawk ah akni gui cu ei u ne nami yeikyai khai.

SAM 137:2

A cun ah pei ah sing ghing gui ung sing täng gui phi kami bat ci.

ISAIAH 44:4

Ngami cu tui akni ah gah ciah khu m’ghaw ah mäih ah, tui long ciah tui pei ah hnum ghing ah mäih ah kyak khai gui.

THULÄÄN NAK 12:12

Ani ah ma ah nami yeikyai vai, nami hta nau gui, nami changshäm gui la nami gawnu ung om ciah Levit gui awn a täng ah; Levit gui ung ami mät ah kaa vai khaw kä om ci, cicu nami shüm ba vai.