TAIGÜTHUM 23:4 - Cho Bible Common Language 2016

⁴ Shin ah pawi gui cu k’bäi nak ah khin ung ami bi vai.

TAIGÜTHUM 23:4 Referans Kwoze

TAIGÜTHUM 23:2

Yumnak pawi gui ah mawng shin ah thungyo gui cu pek ci. Cun cu Israel chang gui khawihnah vai ah ami ng’bum yah ung ah kyak ci.

PHYAWN NAK 23:14

“Kei nami na m’taam nak ah khaw kum ät ung, mang ei pawi thum vei nami bi vai.

TAIGÜTHUM 23:37

(Shin gui cu yumnak pawi gui, a cun ung nangmi naw Bawipa m’tam nak ah khawihnah vai ah ng’bum u ne, ei-douthak nak, m’khih douthak nak, htang douthak nak khawihnah nak la sapyit tui douthak nak cu nami douthak ci. Cun cu a hnüüp tä sei k’bäi ah mäih ah bi ah kyak ci.

PHYAWN NAK 12:14

Shin ah hnüüp cu yumnak ah pawi ah nami bi vai. Cun ah nami bi cu kei Bawipa naw ka bi gui, nami shüm ba nak ah nami bi ah kyak ci. Ngawi yä nami bi lä vai nei” cik ci.

TAIGÜTHUM 23:21

Cun ah hnüüp ung nami mät ah bii a i phi kä nami bi vai, cun ung phi khawihnah vai ah nami ng’bum vai. A hawi ami om ung phi nami hta nau gui naw, shin ah thungyo gui cu lawk ciah a khin avan ung ami ngaih nak vai.

NEHEMIAH 8:15

Cun ah kyasei Jerusalem la a hei mang gaw, gawnu gui avan ung shin ah m’shüm thein nak gui cu pe gui ci gui: “Khaw gui ah hteit u ne m’htai ah ng’ban, olive ah ng’ban, mura ng’ban, hliip ah ng’ban la a hei sing gui ah ng’ban gui cu, thukhän ung om ciah m’shüm thein nak ah mäih ah Phung gui tuk nak vai ah shui law vä.”

EZEKIEL 44:24

Ng’cuh can nak a om law ah a kyak ung, taigü gui naw kei ah thukhän awn ami ng’thumcha vai. Ngami naw yum nak pawi gui cu, kei ah uknak la thukbäi nak awn ami k’pan vai, ngami naw kyiin hnüüp cu theingcim khai ah ami k’pan vai.

NAHUM 1:15

Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

ISAIAH 29:1

Khanpughi ah sonkiang, Jerusalem alnät cu ng’ziin ci! David ah ng’leen nak ah mang gaw cu ng’ziin ci! Kum ät käcung, kum goi ung yung im, eiawk pawi cu bi ba cang u sä,