TAIGÜTHUM 23:38 - Cho Bible Common Language 2016

³⁸ Shin ah pawi gui cu kyin nak hnüüp päng k’be nak ah kyak ci. Shin ah douthak nak gui cu nami m’cümhnah nak päng k’be nak ah kyak ci. Shaitak nak ah kümbe nak vai ah nami douthak gui la nami pängye douthak gui cu, Bawipa am nami pek ah kyak ci.)

TAIGÜTHUM 23:38 Referans Kwoze

KHEI NAK 29:39

Ang täi ah bi ah shin gui cu m’khih ne douthak nak, htang douthak nak, sapyit tui douthak nak, la ng’hmuhchum douthak nak gui ah kyak ci, cun gui cu nangmi naw nami pawi gui ung Bawipa am nami pet ah kyak ci. Shin gui cu ng’kham nak, kä cun ung pängye douthak nak ah nami douthak a be nak vai ah nami pet ah kyak ci.

THULÄÄN NAK 12:6

Acu ah nangmi naw nami khawihnah nak nami douthak vai kyak ci. Cun gui cu m’khih nak, a hei khawihnah nak gui, ami bumgha bum ät la douthak gui, Bawipa ung nami shaitak ah m’cümhnah gui, nami päingye douthak nak la nami sei la htome gui ah hta htük gui ah kyak ci.

TAIGÜTHUM 23:3

Nangmi ung nami bii nami bi nak vai ah khaw hnüüp chuk om ci. Cun ung phi a hnüüp chih hnüüp kyin hnüüp cu, ng’düm nak ah hnüüp ah nami shüm ba vai. Cun ah hnüüp ung a i kä nami bi vai, khawihnah vai ah nami ng’bum vai. Nangmi a hawi nami om ung phi, kyin hnüüp cu Bawipa ah khäm ah kyak ci.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

TAIGÜTHUM 23:37

(Shin gui cu yumnak pawi gui, a cun ung nangmi naw Bawipa m’tam nak ah khawihnah vai ah ng’bum u ne, ei-douthak nak, m’khih douthak nak, htang douthak nak khawihnah nak la sapyit tui douthak nak cu nami douthak ci. Cun cu a hnüüp tä sei k’bäi ah mäih ah bi ah kyak ci.

TAIGÜTHUM 23:39

Nangmi naw nami lo ung geit nami khäm law ah a kyak ung, shin ah pawi cu hnüüp chih ung nami bi vai, a cha chih nak ah a hnüüp gha lei hma hnüüp ung nami tün vai. A hnüüp ät nak cu ng’düm nak vai ah aktung hnüüp ah kyak khai.

EZEKIEL 46:12

“Apum avan m’khih ah phi kia, khawtsheng-douthak nak ah phi kia, manghta naw amät ah m’hni ah Bawipa a douthak hlü ah a kyak ung ani am akyong täng cham ung luh nak ah, ak kyang täng m’kawt cu hmawn pek vai. Ani naw kyin hnüüp ung a bi ah mäih ah douthak nak cu bik khai, ani a hteh ba kawn ah m’kawt cu khai ba vai.

2 SHONTÄP NAK 31:14

Imnah ah htapa Kore, Levit chang cu Taigüim ah a kiangtäng m’kawt ngäng angvaipi cu Bawipa am ami pek ah m’cümhnah gui dou khai la a cun gui tei tawng khai ah angvaipi ah tha ci gui.

SAM 56:13

a i ah kyasei ci ung, nang naw sih nak ung na gung ne, di nak ung na na khui ba ci. Cun ah kyasei, kei cu Khanpughi ah ma, ghin ci gui ah khan ah ng’shü ciah akdei ung ka hteit ci.

SAM 76:12

Chang k’om ciah mang hta gui cu neim sak gui ne, ghangpughang gui ah kyih vai ah kyak ci nei.