TAIGÜTHUM 23:36 - Cho Bible Common Language 2016

³⁶ Cun ah hnüüp chih ung a hnüüp tä sei, ei-douthak nak cu nami bi vai. A hnüüp cheit ung khawihnah vai ah a täng ah law ba mä u ne, ei-douthak nak nami douthak vai. Cun cu khawihnah nak ah hnüüp ah kyasei nangmi naw a i kä nami bi en vai.

TAIGÜTHUM 23:36 Referans Kwoze

NEHEMIAH 8:18

Pawi tün nak hnüüp ung tüi ne ang pyi ung khüt sei, Khanpughi ah thukhän avang cicu a hnüüp tä phat ci gui. Ngami naw cun ah pawi cu hnüüp chih ung bik ci gui, ak hnüüp cheit hnüüp ung thukhän naw ak thäh mäih ah khüüp pawi nak bik ci gui.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

JOEL 2:15

Zion m’htung khan ah phyungheng tum vä; Ei hlawi vai ah ng’thu bäi vä, chang hli khü vä!

JOEL 1:14

Ei hlawi taigü vai ah k’bäi vä; chang van ng’bum vä! Ang vai gui la Judah chang gui avan Bawipa nami Khanpughi ah Taigü kyong ah bum u ne, ani ah kyap lau vä!

THULÄÄN NAK 16:8

Cun kawn ah hnüüp chuk ung k’caw kä shum ne pyan ah m’hut cu nami ei vai. A hnüüp chih hnüüp ung Bawipa nami Khanpughi khawihnah vai ah nami ng’bum vai. A cu hnüüp a i kä nami bi vai.

TAIGÜTHUM 23:7

Shin ah hnüüp gui ah a hnüüp ät hnüüp, nangmi cu khawihnah vai nami ng’bum vai, a hnüüp tä nami bi ah bii, a i phi kä nami bi en vai.