TAIGÜTHUM 23:29 - Cho Bible Common Language 2016

²⁹ Cu hnüüp ung chang tumat mat naw ei a ei ah a kyak ung, ani cu Khanpughi ah chang tumat ah kä k’bäi ba vai.

TAIGÜTHUM 23:29 Referans Kwoze

ATÜNNAK 17:14

Vun-ah nak kä bik ciah pami cu kei ah chang ah kä kyak khai, ani cu kei ah thukhän m’shet ciah kyak ci nei” cine pyen ci.

KHEI NAK 5:2

“Israel chang gui thumkhän pe gui ä, kheilei ung gaw ci gui, pumsa am thak gui, aksi bi ne kä theingthap ci gui cu, shaum pigaw ungka naw k’täm gui vai nei.

TAIGÜTHUM 23:32

Cun ah cha a hnüüp kaw nak hni ng’shu ungka naw, a hnüüp gha nak ng’hni ng’shu ung khüt ci cu, ng’düm nak hnüüp aktung ah nami ngaih nak vai, cun ah khin ung a i phi kä ei vai.

EZEKIEL 7:16

Am shah gui cu khongnawi ungka kyi ne zong ciah mümkha gui ah mäih ah khomhtung tang ah dawng ne phyawng ci gui, Ngami ami van cu ami katnak ah phäh ah thüi sei khai gui.

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

LAMKTU 3:23

Cun ah prophet ah ng’thu kä ngai ci phung cu, Khanpughi ah ak chang ung ka m’chah ne k’pai netah m’di khai.”

TAIGÜTHUM 13:46

Ani cu cun ung a gaw ah chuih kä theingthap ciah kyak ci. Chang awn ng’shawng ne shaum pigaw ah k’pung ah a om vai.

TAIGÜTHUM 23:30

Cun ah hnüüp ung chang tumat mat naw bii a bi ah a kyak ung, Bawipa amät naw ani am ngawn khai.

EZRA 8:21

Cä ah Ahava tui cawh pei ung mik mi ah phäh ah tuhbäi ka pek ci. Mi van ei hlawi ne mi Khanpughi ah ma ah m’lung mi ng’neim sak khai. Mihteh nak ah lam ung ma ana tawn gui vai ah mi k’thäh khai. Mi mät mi hta nau gui la mi khawh cham avan ana shungvong gui vai ah,

PHYAWN NAK 30:33

Shin ah mäih ah bik ciah chang, taigü ah kä kyak ciah khan ah mang ciah chang cu kei ah chang ah kä kya tuba khai nei’ cik ci.”

TAIGÜTHUM 7:20

Cun ung phi kä theingcim ci naw a ei ah a kyak ung ani cu Khanpughi ah chang ah kä kya ba khai.

TAIGÜTHUM 7:21

A cun ah mäih ah chang tumat naw kä theingcim ci a tawn kawn ah cun ah douthak ah sa a ei ah a kyak ung, chang ungka ah a kyak ung phi, sei ungka ah a kyak ung phi, ani cu Khanpughi ah chang ah kä kya ba khai.