TAIGÜTHUM 23:28 - Cho Bible Common Language 2016

²⁸ Cun ah hnüüp ung a i kä nami bi vai, a i ah kyasei ci ung cun ah hnüüp cu katnak nawt heng nak ah bii bi nak ah hnüüp ah kyak ci.

TAIGÜTHUM 23:28 Referans Kwoze

ZEKHARIAH 3:9

Kei naw Joshua ah ma ah chih mawng nak ciah lung tumat ka m’shän khai. Cun ah lung vüt ne ca ka guk khai, shin ah khaw ah katnak avan cu khaw hnüüp ät awn ka k’täm yawp khai.

TAIGÜTHUM 16:34

Shin ah thungyo gui cu lawk ciah a khin avan ung ngaih nak vai ah kyak ci. Shin ah bilawh thung cu Israel chang gui ah katnak avan ng’gängsei nak ah kum ät ung hnü ät ciah bi vai. Cun ah kyasei Moses naw Bawipa ah thumkhän ah mäih ah bik ci.

1 JOHAN 5:6

Bawi Jesuh Khrit cu tui awn ang hnim nak la asi huk ne asih nak awn kyum lawk ciah Bawipa ah kyak ci. Ani cu tui bäng awn kyum lawk ciah kä kyak ci, tui la si awn kyum lawk ciah kyak ci. Cun ah düng ciah a mawng cu düng ciah Mumcha naw damg sak ci.

1 JOHAN 4:10

M’hni nak cicu mi mi naw Khanpughi mi m’hni nak ah kä kyak ci, Khanpughi naw nam hni gui ne, mi shetkat nak nak phiawn gui khaiah, Ahtapa a yuk m’kyum law cu m’hni nak ah kyak ci.

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.

HEBRU 10:14

Hnü ät ang bäng ah a küikyan nak awn, theingcim nak gah ci gui cu, angtäi sei kümbe sak gui ci.

HEBRU 10:10

Bawipa Jesuh Khrit naw Khanpughi ah ang yak hlü läk ne, amät ah pumsa cu, ang bäng ge ah ap ne a peit ah kyasei, mikmi cu theingcim nak mi gah ci.

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

TAIGÜTHUM 16:30

Acu hnüüp ung bilawh ah thung gui cu bilo ne, ami katnak avan ung ng’gängsei sak gui vai. Cun ah kyasei ngami cu theingthap khai gui.

TAIGÜTHUM 16:33

Atheingcim Pikbäih Hmun, pawih ba ciah Bawipa ah om nak ah Phung, sonkiang, taigü gui, la chang gui avan ah ng’gängsei nak ah bilawh thung cu a bi vai.