TAIGÜTHUM 23:21 - Cho Bible Common Language 2016

²¹ Cun ah hnüüp ung nami mät ah bii a i phi kä nami bi vai, cun ung phi khawihnah vai ah nami ng’bum vai. A hawi ami om ung phi nami hta nau gui naw, shin ah thungyo gui cu lawk ciah a khin avan ung ami ngaih nak vai.

TAIGÜTHUM 23:21 Referans Kwoze

TAIGÜTHUM 23:2

Yumnak pawi gui ah mawng shin ah thungyo gui cu pek ci. Cun cu Israel chang gui khawihnah vai ah ami ng’bum yah ung ah kyak ci.

KHEI NAK 18:23

Tuhbäi ung tün ne Phung cu Levit gui naw m’hteihtang khai gui, ngami naw bilawh vai cu akbe ah ami bi vai ah kyak ci. Shin cu nami htangshon ung khäng ne om khai ah ng’täi ciah thungyo ah kyak ci. Israel khaw ung Levit gui ah hmawk ah ng’täi ciah khawh a i kä om khai.

TAIGÜTHUM 23:14

Thui an, htang hlaw, m’htut ng’shai ung tün ne geit thai phung cu Khanpughi am douthak nak kä bi pha ah chuih, kä ei vai. Shin ah thungyo gui avan cu nami hta nau gui avan naw, lawk ciah a khin avan ung ami ngaih nak vai ah kyak ci.

TAIGÜTHUM 23:4

Shin ah pawi gui cu k’bäi nak ah khin ung ami bi vai.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

THULÄÄN NAK 16:11

Bawipa ah ma ah yeikyai vä, nami hta gui, nami changshäm gui la Levit chang gui, a khaw hei chang gui, hmei hta gui, hmeinu gui, nami gawnu ung om ci gui a täng ah yei vä. Cun cu khawihnah nak hmun tumat ung bi vä.

TAIGÜTHUM 23:7

Shin ah hnüüp gui ah a hnüüp ät hnüüp, nangmi cu khawihnah vai nami ng’bum vai, a hnüüp tä nami bi ah bii, a i phi kä nami bi en vai.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

TAIGÜTHUM 23:20

Taigü naw m’htut la htome m’ca hnih cu taigü gui ah hmawk ah aktung ah m’cümhnah nak ah Bawipa am pek khai. Shin ah douthak nak gui cu theingcim ci.

TAIGÜTHUM 23:25

Bawipa am ei-douthak cu nami thak vai, nami mät ah bii a i phi kä nami bi en vai.

PHYAWN NAK 27:21

Aaron la a hta gui naw kei ah om nak ah phung ah kyong ah mei im ami m’däi vai, cun cu yihdung ah akpung, Thukhän M’küm ah a ma ah kyak ci. Acun ah kei ah ma ah mühun ung tün ne khaw ngawi ung khüt sei, ami m’däi vai nei. Shin ah thumkhän cu Israel gui la ami hta ng’shon gui naw ngawiyä ami läk vai ah kyak ci nei.

TAIGÜTHUM 23:31

Shin ah thungyo gui cu a hawi ami om ung phi, nami hta nau gui ami van ah khan gawk khai.