TAIGÜTHUM 23:2 - Cho Bible Common Language 2016

² Yumnak pawi gui ah mawng shin ah thungyo gui cu pek ci. Cun cu Israel chang gui khawihnah vai ah ami ng’bum yah ung ah kyak ci.

TAIGÜTHUM 23:2 Referans Kwoze

TAIGÜTHUM 23:37

(Shin gui cu yumnak pawi gui, a cun ung nangmi naw Bawipa m’tam nak ah khawihnah vai ah ng’bum u ne, ei-douthak nak, m’khih douthak nak, htang douthak nak khawihnah nak la sapyit tui douthak nak cu nami douthak ci. Cun cu a hnüüp tä sei k’bäi ah mäih ah bi ah kyak ci.

TAIGÜTHUM 23:4

Shin ah pawi gui cu k’bäi nak ah khin ung ami bi vai.

JOEL 2:15

Zion m’htung khan ah phyungheng tum vä; Ei hlawi vai ah ng’thu bäi vä, chang hli khü vä!

HOSEA 2:11

Ani ah pawi gui avan ka ng’pyi sak khai — akum tä pawi gui, ak cha tä pawi gui la kyin nak pawi gui — yum nak täng ah ng’hmuh nak gui, avan ka ng’pyi sak khai.

SAM 81:3

Cha theei yah la cha lum yah ung, lungnu ah hmawk ah k’phyung lawi tum vä.

KHEI NAK 29:39

Ang täi ah bi ah shin gui cu m’khih ne douthak nak, htang douthak nak, sapyit tui douthak nak, la ng’hmuhchum douthak nak gui ah kyak ci, cun gui cu nangmi naw nami pawi gui ung Bawipa am nami pet ah kyak ci. Shin gui cu ng’kham nak, kä cun ung pängye douthak nak ah nami douthak a be nak vai ah nami pet ah kyak ci.

KHEI NAK 10:10

A cun ah mäih ah yeikyai nak ah akhin gui ung nami cha thai pawi gui la a hei yum nak pawi gui ung M’khih ne douthak nak la hmuhchum douthak nak pak law ung phyungheng gui cu nami tum vai. Cun ung kei naw ka ning m’htei gui khai. Kei cu Bawipa nami Khanpughi nei.”

JOHAN 5:1

Cun kawn ah Jew chang gui ah pawi om sei Bawipa Jesuh cu Jerusalem kho ah hteit ba ci.

NAHUM 1:15

Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

JOEL 1:14

Ei hlawi taigü vai ah k’bäi vä; chang van ng’bum vä! Ang vai gui la Judah chang gui avan Bawipa nami Khanpughi ah Taigü kyong ah bum u ne, ani ah kyap lau vä!

NG’ÄI KYAH 1:4

Theingcim ciah hnüüp ung khawihnah vai ah Taigü im ah tuhbäi a u phi kä lawk ci. Cun ung hnumi hta gui cu yaica ne ng’äi m’cu ci gui, Mang gaw m’kawt gui cu a ghawng ah ng’düi ci gui Zion cu omdam aih ci nei.

ISAIAH 33:20

Zum nak ah pawi mi bi nak ah zion, mang gaw cu teng vä. Jerusalem cu teng vä! Cun cu om nak ah nik ciah, ng’geing ciah hmun ah kyak ci nei! Cun cu kä ng’plon phung ciah phung ah mäih ah kyak ci, ak tung gui kä pui mäih phung cu, a gui, gui kä pit phung ci.

2 SHONTÄP NAK 30:5

Cun ah kyasei Israel chang avan, a siiptäng Dan ungka naw a htumtäng Beersheba ung khüt sei. Jerusalem ah law ne, a cau ka ah ta da pi ne, thukhän ah mäih ah phyawn nak pawi ami bi vai ah khü gui ci gui.

2 GHANGPUGHANG GUI 10:20

Cun kawn ah Jehu naw thu k’bäi ne, “Baala m’taam ne khawihnah nak vai ah hnüüp cu ng’shäu vä!” cik ci. Shäu nak ami bi kawn ah

TAIGÜTHUM 23:44

A shikcha ah Moses naw Israel chang gui am, Bawipa m’tamkhah nak ah yumnak pawi gui ah, ngaih nak vai ah thungyo gui cu pe gui ci.

TAIGÜTHUM 23:21

Cun ah hnüüp ung nami mät ah bii a i phi kä nami bi vai, cun ung phi khawihnah vai ah nami ng’bum vai. A hawi ami om ung phi nami hta nau gui naw, shin ah thungyo gui cu lawk ciah a khin avan ung ami ngaih nak vai.

PHYAWN NAK 32:5

Aaron naw vantang ghui gup ah ma ah sonkiang co neta ang ng’shäu cu, “Ngawi ung Bawipa m’taam nak ah pawi om khai nei” ciah kyak ci.

KOLOSE 2:1

Nangmi ah hmawk, Laodica chang gui ah hmawk la kei ka changsing kä na hmat ciah chang gui ah hmawk ah, kei naw a i hlawk ah k’tha na ne kabi cu ka ning m’thein gui ci nei.

KOLOSE 2:16

Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.

TAIGÜTHUM 23:1

Bawipa naw Moses am,

1 SHONTÄP NAK 23:31

A i yah ung phi kyin hnüüp ung Bawipa am douthak ami m’khih nak, Cha Thai Luum Pawi la a hei pawi gui. Amät ah a khin päng ung Levit chang a u chü naw bik khai ciah ami k’bäi om ci. Levit gui cu Bawipa khawihnah nak ah akhin avan ung bii bik khai gui ah awi k’bäi gui ah kyak ci.

EZEKIEL 44:24

Ng’cuh can nak a om law ah a kyak ung, taigü gui naw kei ah thukhän awn ami ng’thumcha vai. Ngami naw yum nak pawi gui cu, kei ah uknak la thukbäi nak awn ami k’pan vai, ngami naw kyiin hnüüp cu theingcim khai ah ami k’pan vai.

2 SHONTÄP NAK 2:3

Solomon naw Tire ghangpughang Hiram am ng’thu m’khäh ci; “Kapa, ghangpughang David am nang naw im a cawh nak vai ah cedar sing gui na yoih nak ah mäih ah kei phi na sumlei püi ä.

EZRA 3:5

K’be nak ah ami khawihnah man ah apum lüng m’khih ne douthak nak, cha lum thai pawi douthak nak, Bawipa khawihnah ung ahei ng’bum nak man gui avan la mät ah ngaih ah Bawipa am pek man ah douthak nak avan cu bik ci gui.