TAIGÜTHUM 23:19 - Cho Bible Common Language 2016

¹⁹ Acun ah mäih ah katphyawn douthak nak ah me m’ca hta tumat la hmuh chum douthak nak ah kum ät ci lüng ciah htome m’ca hnih awn ami douthak vai.

TAIGÜTHUM 23:19 Referans Kwoze

KHEI NAK 28:30

A cun ah mäih ah katphyawn-douthak nak ah me m’ca tumat nami douthak vai, a cun cha ah chang gui ah phih ah ng’gängsei nak cu nami bi vai.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

KHEI NAK 15:24

Cun ah hma nak cu chang bum ah kä hmuhmat su ah bi ah a kyak ung ngami naw m’khih ne douthak nak ah vantang ami douthak vai. Cun ah ang ui cu Bawipa naw yei nak ci. Cun cu bi man ah htang douthak nak la sapyit tui douthak nak awn a täng ah bi vai. K’be nak ah ngami naw me m’ca tumat awn phyawn douthak nak ami bi vai.

TAIGÜTHUM 16:15

Cun kawn ah ani naw chang gui ah phäh ah katphyawn douthak ah me cu ngawn khai. Asi cu Atheingcim Pikbäih Hmun ung law püi neta, a khüm ah khan ah k’peh khai, cun kawn ah Thukhän M’küm ah ama ung k’peh khai, vantang ah si a bi ah mäih ah a bi ah kyak ci.

TAIGÜTHUM 23:18

Acun ah m’htut awn a täng ah chang gui naw kum ät lüng ciah htome hta chih, vantang tumat, htome khla hnih cu ami law püi vai. Cun gui cu a i phi kä kheihlik en khai. Cun gui cu htang douthak la sapyit tui douthak nak awn a täng ah m’khih ne douthak ah douthak vai. Shin ah douthak nak ah ang ui cu Bawipa naw yeikyai nak ci.

TAIGÜTHUM 23:20

Taigü naw m’htut la htome m’ca hnih cu taigü gui ah hmawk ah aktung ah m’cümhnah nak ah Bawipa am pek khai. Shin ah douthak nak gui cu theingcim ci.