TAIGÜTHUM 23:17 - Cho Bible Common Language 2016

¹⁷ A kyong khui päng naw m’htut pum goi ci law püi ne, aktung m’cümhnah nak ah Bawipa am pek vai. M’htut a pum phung cu m’htut den koi phli, k’caw shum ne ng’shai neta, khäm ah htang phung ungka, ak htük bäih htang douthak nak ah Bawipa am pek vai.

TAIGÜTHUM 23:17 Referans Kwoze

KHEI NAK 28:26

Geitkhäm Pawi ah a hnüüp ät hnüüp, geit thai Bawipa am nami douthak law ah a kyak ung, nangmi cu khawihnah vai ah nami bum vai, a i bi phi kä nami bi vai.

TAIGÜTHUM 7:13

Akbe nak ah ani naw k’caw awn pyan ah m’htut cu a douthak vai.

PHYAWN NAK 34:26

A kum tä sei akhtük bäih ah nami khäm ah geit cu Bawipa ah im ung nami law püi vai. “Seihta, mehta cu anu ah suuktui awn kä shon vai.

PHYAWN NAK 34:22

“Nami geit tün ne nami khäm law vai ung Geit Khäm Pawi nami bi vai. Khaw hting khaw ah nami geit khäm ne nami m’kawn yawp ung Geit M’seh Pawi nami bi vai.

PHYAWN NAK 23:19

“A kum tä sei nami khäm htük ah htang cu, Bawipa nami Khanpughi ah im ah nami law püi vai. “Htome hta, me hta cu anu ah suuk tui awn kä nami shon en vai.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

1 KORIN 15:20

Cun ung phi akcang cu Bawi Khrih cu sih nak ungka tho ba pyi ci, cun cu sih nak ung ip ciah chang gui ami thawh ba vai ah mawng ang kyän nak ah kyak ci.

ROMAN 8:23

A tüi pyan ah khomdek khan bäng ah kä kyak ciah, Khanpughi naw ak htük bäih ah a peit ah Mumcha gah ciah mikmi cun phi, Khanpughi ah hta ah kyak nak vai la, mi pumsa avan hun nak a gah nak vai cu, mi ging ne mi geinvai ci.

MATTHE 13:33

Bawipa Jesuh naw a hei awn m’tumtäng ne am thein ba mä gui cu, “Khanpughi ah uknak kho cu shin ah mäih ah kyak ci. Hnumi tumat naw k’co cu la netah, m’htut den pyii taang ät ung k’caw sei, m’htut den avan cu tho ne pai ci,” ciah kyak ci.

KHEI NAK 15:17

Bawipa naw Moses am,

TAIGÜTHUM 2:12

Akum tä sei nami khäm htük ah püm htang cu Bawipa am douthak vai ah nami law püi vai, cun ung phi cun cu sonkiang ung kä m’khih vai.

PHYAWN NAK 23:16

“Geit tün ne nami khäm law vai ung geit khäm pawi nami bi vai. “Khaw hting khaw ah geit khäm pawi nami bi vai, nami law chaam ungka geit avui atheih nami m’seh law vai ung ah kyak khai.

PHYAWN NAK 22:29

“Vüi law ma ciah nami htang, nami sapyit, la nami olive situi cu kei am nami na douthak vai. Nami hta htük cu nami na pek vai.

TAIGÜTHUM 23:18

Acun ah m’htut awn a täng ah chang gui naw kum ät lüng ciah htome hta chih, vantang tumat, htome khla hnih cu ami law püi vai. Cun gui cu a i phi kä kheihlik en khai. Cun gui cu htang douthak la sapyit tui douthak nak awn a täng ah m’khih ne douthak ah douthak vai. Shin ah douthak nak ah ang ui cu Bawipa naw yeikyai nak ci.

NEHEMIAH 10:37

Akum tä sei khäm law htük ah pümhta awn pyan ah m’htut, douthak vai ah sapyitui, oliv situi la aktheih akhtük cu Taigüim ah taigü gui am kami thak khai. Kami lo-pigaw gui ah bum gha bum ät look ciah Levit gui am, kami khaw ung m’thawk ciah geit ah bumgha bum ät cu kami thak gui khai.

KHEI NAK 18:12

“A kum tä sei Israel gui naw ami na pek law ah m’thawk htük ciah akni pi gui avan cu ka ning pe gui ci nei; oliv situi, sapyit tui la htang,

KHEI NAK 18:13

Shin gui avan cu nangmi ah khäm nei. Theingthap ciah na kyong chang päng naw cun gui cu a ei vai nei.