TAIGÜTHUM 23:1 - Cho Bible Common Language 2016

¹ Bawipa naw Moses am,

TAIGÜTHUM 23:1 Referans Kwoze

TAIGÜTHUM 22:33

Kei naw Egypt khaw ah ka, ning law püi ba gui ne, nami Khanpughi ah ka kyak ci. Kei cu bawipa nei.”

TAIGÜTHUM 23:2

Yumnak pawi gui ah mawng shin ah thungyo gui cu pek ci. Cun cu Israel chang gui khawihnah vai ah ami ng’bum yah ung ah kyak ci.

KHEI NAK 15:3

Vantang tumat, htome m’ca tumat, htome hta tumat, kä cun ung me hta tumat cu Bawipa am pe vai, cun cu m’khih ne douthak, kä cun ung thukhän k’be nak ah khawihnah nak, kä cun ung pängye douthak nak, kä cun ung yum nak täng ah nami pawi man ah pawi ung nami douthak ah kyak ci. Shin ah ei-douthak ah ang ui cu Bawipa naw yei nak ci.

EZEKIEL 45:17

Ani naw shin gui a pek gui vai cu ani ah bii ah kyak ci, apum avan m’khih vai seime gui, Israel pakhui avan ah phäh ah htang-douthak nak la sapyit tui-douthak nak gui, cun gui cha lum thai pawi, kyin hnüüp gui la ahei pawi gui ung a pek gui ah kyak ci. Ani naw katnak ah phäh ah douthak, htang-douthak, apum avan m’khih ne douthak la khawtsheng-douthak nak gui cu, Israel chang gui ah katnak gui k’täm nak ah kyak ci.

TAIGÜTHUM 23:44

A shikcha ah Moses naw Israel chang gui am, Bawipa m’tamkhah nak ah yumnak pawi gui ah, ngaih nak vai ah thungyo gui cu pe gui ci.

1 SHONTÄP NAK 23:31

A i yah ung phi kyin hnüüp ung Bawipa am douthak ami m’khih nak, Cha Thai Luum Pawi la a hei pawi gui. Amät ah a khin päng ung Levit chang a u chü naw bik khai ciah ami k’bäi om ci. Levit gui cu Bawipa khawihnah nak ah akhin avan ung bii bik khai gui ah awi k’bäi gui ah kyak ci.

2 SHONTÄP NAK 2:4

Bawipa ka Khanpughi m’tamkhah nak vai ah kei naw Taigüim ka co ci nei. Cun cu kei la ka chang gui naw ani kami khawihnah nak vai ah theingciim ciah hmun ah kyak khai, acun ung ng’ui cicu a mühun tä, khongawi tä m’khih ne douthak nak gui, theingthap ciah m’htut akphlüt ah douthak nak la, cha k’thai alum pawi, kyiin hnüüp la a hei theingciim ciah hnüüp gui ah mäih ah Bawipa kami Khanpughi cu kami tamkhah nak ah kyak khai. Acun ah khonglän ung bi vai ah ani naw Israel gui cu thumkhän gui ci.

2 SHONTÄP NAK 8:13

Ani naw m’khih ne douthak nak cu Moses ah thukhän ung lawk ciah mäih ah theingcim ciah hnüüp päng ung douthak ci: cun ah hnüüp gui cu, Kyin Hnüüp, Cha Thai Cun Pawi, Kum ät ung Thumvei bi ah pawi gui — K’caw Kä Shum ah m’htut pawi, Geit khäm pawi, ng’yii nak ah pawi.

ISAIAH 1:13

Deuthak nak nami law püi cu a khaw lä nei. Nangmi naw nami m’khih ah ang ui aha khu cu kei naw ka m’shem shai ci nei. Nami chathai pawi, kyinnak hnüüp la yum nak nami ng’bum nak ung kei kä ka om hning kahi; cun gui avan ca nami katuak naw m’di yawp ci.

EZEKIEL 44:24

Ng’cuh can nak a om law ah a kyak ung, taigü gui naw kei ah thukhän awn ami ng’thumcha vai. Ngami naw yum nak pawi gui cu, kei ah uknak la thukbäi nak awn ami k’pan vai, ngami naw kyiin hnüüp cu theingcim khai ah ami k’pan vai.

EZEKIEL 46:11

Ei awk hnüüp gui la pawi gui ung m’htut den cu, vantang päng la htome hla päng ung atawng ci la, htome hta päng ung khawihnah ci gui naw ami pek hlü cu pek ci gui. M’htut den-douthak päng ung oliv-situi pit la hma kip cu douthak ci gui.

KALATIAN 4:10

Nangmi naw hnüüp, chaa, kum, akhin amshah gui cu, aküikyang ah nami m’hnüt ci.

KOLOSE 2:16

Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.