TAIGÜTHUM 22:32 - Cho Bible Common Language 2016

³² Kei ah ka ming theing ung thüisei nak kä nami law en püi vai, Israel chang avan naw kei cu ka theingcim ciah ang kiaa vai. Kei cu Bawipa nei, kei naw nami theingcim khai ah ka ning pyang gui khai;

TAIGÜTHUM 22:32 Referans Kwoze

LUKA 11:2

Bawipa Jesuh naw, “Nami taigü ung shi chaa ah nami taigü vai; “Khankho ah om ci kami Pa, Na ming theing thang sä, Na uknak gawk law sä, Khankho ah mäih ah m’dek khan ah phi Na ng’yak hlü cu be sä,

TAIGÜTHUM 18:21

Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

TAIGÜTHUM 22:2

Aaron la a hta gui am a pyen sak cu, “Nangmi naw kei ah ka ming theingcim ung thüisei nak kä nami law püi vai. Cun ah kyasei Israel chang gui naw kei am ami na ap law ah theingcim ciah douthak nak cu nami kyih aa vai. Kei cu Bawipa nei.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

JOHAN 17:17

Nang ah hmawk ah ngami cu düng nak awn khoi ne om sak gui ä, Nang ah thu cu düng ci.

ISAIAH 5:16

Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.

TAIGÜTHUM 21:15

Kä cun ung theingthap khai ah a hta nau gui cu kä theingthap ciah kya lawk khai gui. Kei cu Bawipa ah kya ne, kei naw ani cu khei ne taigütung ah ka m’düih ci.”

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

TAIGÜTHUM 20:8

Ka thukhän gui nami läk vai, a i ah kyasei ci ung kei cu Bawipa kei naw ka ning theingcim sak gui ci.

TAIGÜTHUM 22:31

Bawipa naw, “Ka thumkhän gui cu läk vä, kei Bawipa nei.

TAIGÜTHUM 22:33

Kei naw Egypt khaw ah ka, ning law püi ba gui ne, nami Khanpughi ah ka kyak ci. Kei cu bawipa nei.”

ISAIAH 8:13

Nami shüm vai, kei, m’gäi ciah Bawipa cu, ka theingciim ci; Nangmi naw nami kyih vai cu kei tumat bang nei.