TAIGÜTHUM 22:3 - Cho Bible Common Language 2016

³ Nami hta nau tumat cu kä a theingthap yah ung, Israel chang gui naw kei am ami na douthak vai ah theing ciah douthak pei ah ang et law ah a kyak ung, ani cu sonkiang ung cun kawn ah kä bi tuba phung khai. A shin naw lawk khai ah a khin avan cu shum ci nei. Kei cu Bawipa nei.

TAIGÜTHUM 22:3 Referans Kwoze

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

SAM 51:11

Na ma ungka kä na k’tääm men ä; Na Mumcha Theing kä na lak en pe ba ä.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

KHEI NAK 19:13

Gook tawn neta amät naw amät kä ng’gängsei sak ci phung cu kä theingthap ci, a i ah kyasei ci ung ng’gängsei nak vai ah tui awn ani kä ang shawi ah phäh ah kyak ci. Ani cu Bawipa ah Phung lelawi sak ciah kyasei, ani cu Khanpughi ah chang ah kä kya tuba ciah kyak ci.

TAIGÜTHUM 22:2

Aaron la a hta gui am a pyen sak cu, “Nangmi naw kei ah ka ming theingcim ung thüisei nak kä nami law püi vai. Cun ah kyasei Israel chang gui naw kei am ami na ap law ah theingcim ciah douthak nak cu nami kyih aa vai. Kei cu Bawipa nei.

EZRA 8:28

Kei naw ka pyen na gui ci, “Nangmi cu nami pupa gui ah Khanpughi Bawipa ah ma ah nami theingcim ci, cun ah kyasei theing ciah ngui la mangca ah ghui avan cu law püi ne ng’pängye douthak nak ah ani am nami ap vai.

PHYAWN NAK 30:33

Shin ah mäih ah bik ciah chang, taigü ah kä kyak ciah khan ah mang ciah chang cu kei ah chang ah kä kya tuba khai nei’ cik ci.”