TAIGÜTHUM 22:20 - Cho Bible Common Language 2016

²⁰ Nami douthak ah seime cu a kheihlik ah a kyak ung Bawipa naw kä dou khai.

TAIGÜTHUM 22:20 Referans Kwoze

THULÄÄN NAK 17:1

“Khei hlik ciah sei, htome awn Bawipa nami Khanpughi cu kä nami khawihnah vai, cun cu Bawipa naw thüi nak ci.

MALAKHI 1:8

Amik m’dauh, akgaw, akshum gui cu nami na khawihnah nak vai ah law püi u neta, nami katnak kä om ciah nami ngai ci. Acun ah mäih ah akghing gui cu uktu bawi am pe shüm vä, ning yei na gui khai aw! A i baw ning pe taak gui khai aw!”

THULÄÄN NAK 15:21

Cun ung phi sei me ung ak chei nak a om ah a kyak ung, shum ne, ng’khem ne, m’dauh ne, käcung a hei a leim bai a om ah a kyak ung, Bawipa nami Khanpughi cu, cun awn kä nami khawihnah vai.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

TAIGÜTHUM 22:25

A khawhei chang gui naw ami law püi ah seime cu ei-douthak ah kä nami douthak vai. Cun ah seime cu kheihlik ciah k’bäi ah kyak ci. Cun gui cu kä dou vai ah kyak ci.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

TAIGÜTHUM 3:1

Chang tumat naw a sei cu hmuhchum-douthak nak ah a law püi ah a kyak ung api ah phi kä kheihlik en ciah sei, vantang ah kyak khai.

TAIGÜTHUM 3:6

Me baw, htome baw hmuhchum douthak nak ah mang vai a kyak ung, akhik phi bäi, ak hla phi bäi khai, cun ung phi kä kheihlik en khai.

KHEI NAK 19:2

Cun cu Israel gui am pek gui vai ah thungyo gui ah kyak ci. Atawk kä om en ci, kä täk en man ah seipat asen cu Moses la Aaron ah nami law püi vai.

KHEI NAK 29:8

Bawipa am m’khih ne douthak nak nami douthak vai, ang ui cu ani naw yeikyai nak khai: vantang tumat, avan cu api ah phi kä kheihlik en khai.

EZEKIEL 45:18

Uktu Bawipa naw pyen ci, “A cha ät nak ah a hnüüp ät nak ung nangmi naw kä khei hlik en ciah vantang awn khawihnah ne, Taigüim cu nami thiengthap sak vai.

TAIGÜTHUM 22:24

A i seime phi ayakci agüt, a ah, plaih ci, teek ci phung cu Bawipa am douthak nak ah kä mang vai. Nangmi ah khaw ung cun ah mäih cu kä nami mang vai.