TAIGÜTHUM 22:18 - Cho Bible Common Language 2016

¹⁸ Cun cu Aaron la a hta gui la Israel chang avan am a pek vai ah shin ah thungyo gui ah kyak ci. Israel chang, käcung, Israel khaw ah om tuk ciah a khaw hei chang naw shaitaak kumbe nak sak, kä cunung, pängye douthak nak ah m’khih ne douthak nak, abi law ah a kyak ung, cun ah seime cu api ah phi kheihlik ciah kä a kyak en vai.

TAIGÜTHUM 22:18 Referans Kwoze

THULÄÄN NAK 12:6

Acu ah nangmi naw nami khawihnah nak nami douthak vai kyak ci. Cun gui cu m’khih nak, a hei khawihnah nak gui, ami bumgha bum ät la douthak gui, Bawipa ung nami shaitak ah m’cümhnah gui, nami päingye douthak nak la nami sei la htome gui ah hta htük gui ah kyak ci.

KHEI NAK 15:3

Vantang tumat, htome m’ca tumat, htome hta tumat, kä cun ung me hta tumat cu Bawipa am pe vai, cun cu m’khih ne douthak, kä cun ung thukhän k’be nak ah khawihnah nak, kä cun ung pängye douthak nak, kä cun ung yum nak täng ah nami pawi man ah pawi ung nami douthak ah kyak ci. Shin ah ei-douthak ah ang ui cu Bawipa naw yei nak ci.

TAIGÜTHUM 1:2

Cun cu Israel gui naw khawihnah nak ami douthak law ung ami läk vai ah kyak ci. Chang tumat naw seime awn a khawihnah douthak law ung cun cu amät ah sei ah baw, me ah baw, htome ah baw kyak khai.

LAMKTU 18:18

Paul cu Korin ah yum ci gui awn a täng ah kho hnüüp akda om netah, Priscilla la Akuila awn ng’gui ne Siria kho ah htinpaw awn hteit ci gui. Kenkhrea ungka htinpaw kä a ng’düih law phaung, Paul cu Khanpughi ah thu khän bik ci kyasei a lu k’teiu ci.

NAHUM 1:15

Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

JONAH 2:9

Cun ung phi kei naw ng’äi ne ka ning m’tam khai nei; Khawihnah nak ka ning douthak khai nei, ka shaitak ah mäih ah ka bik khai nei. Hun nak cu Bawipa ungka lawk ci nei!”

JONAH 1:16

Cun ung bii bik ci gui naw Bawipa cu kyih aih u neta, khawihnah nak pe u ne, abii bik khai gui ah shaitak ci gui.

THUSHÄUTU 5:4

Cun ah kyasei, Khanpughi ah shai na tak ung, ang ghit ah nak pan vai. Chang gu-ang cu ani ah phäh ah mang vai kä kyak ci. Bi vai ah shai na tak cu na bi vai.

SAM 116:18

Na chang gui van ah ng’bum nak ah, Jerusalem kho, theingcim ciah Pum im ung kei naw ka shaitak cu ka ning pek khai nei. Haleluyah.

SAM 116:14

A chang gui van ah ng’bum nak ung ka shaitak cu kei naw ka pek khai.

SAM 66:13

Kei naw na im ung m’khih ne ka ning khawihnah khai; kei naw ka shaitak ah mäih ah ka ning vawihpeh khai.

SAM 65:1

O Khanpughi, Zion ung ning m’taam cu keimi ah düng nak nei, Nang ung kami shaitak cu kami m’htek ci nei,

SAM 61:8

Cun ah kyasei angtäi sei, m’taam nak ng’äi ka ning m’cu khai, ka shaitak ah mäih ah a hnüüp tä ka ning pek khai.

SAM 61:5

O Khanpughi, ka shaitak cu na ng’ya pyi ci nei. Nang ning m’tam ngak ci gui ah ami mang vai cu nang naw na na pek ci nei.

SAM 56:12

O Khanpughi, kei naw ka shaitak cu ka ning ap khai nei; ka m’hlümtäi nak cu ka ning pek khai nei,

SAM 22:25

Kei naw chang hli ah ng’lung ah nang cu ning m’taam ne; Ning khawihnah ci gui ah ma ah ka shaitak ah mäih ah ka ning pek khai.

THULÄÄN NAK 16:10

Geit khäm nak pawi nami bi vai. Cun cu Bawipa nami Khanpughi m’tamkhah nak ah pängye douthak nak law püi ne, ani naw a ning pek gui vai ah hriham dou nak ah kyak ci.

THULÄÄN NAK 12:17

Bawipa am nami douthak phung cu nami om nak ah hmun gui ung kä nami ei vai. Nami htang bum gha bum ät, nami sapyit, oliv situi, nami sei me a hta htük gui, Bawipa ung nami shaitak ah m’cümhnah nak, nami päiye douthak la a hei douthak gui,

TAIGÜTHUM 23:38

Shin ah pawi gui cu kyin nak hnüüp päng k’be nak ah kyak ci. Shin ah douthak nak gui cu nami m’cümhnah nak päng k’be nak ah kyak ci. Shaitak nak ah kümbe nak vai ah nami douthak gui la nami pängye douthak gui cu, Bawipa am nami pek ah kyak ci.)

TAIGÜTHUM 17:13

A u Israel chang, ami ng’lung ah om tuk ciah a u khuihei chang naw phi, theingthap ciah khisa, kä cung kha a pha ah a kyak ung, asi cu m’dek ung a huk vai, m’dek awn alin vai.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

TAIGÜTHUM 7:16

Chang tumat naw khäntam bukbe nak ah hmuhchum douthak a law püi ah a kyak ung, käcung amät ah yum ah a douthak ah a kyak ung acun douthak hnüüp ung avan kä ei vai, pawih ba cicu lawk ciah hnüüp ung ei ba vai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

PHYAWN NAK 12:5

Nangmi naw htome hta baw, mehta baw nami ghü vai. Cun cu kum ät lüng ciah a hlahta, kä kheihlik en ciah kyak khai.

TAIGÜTHUM 22:17

Bawipa naw Moses am thumkhän ci,

AMOS 4:5

Hteit ma u ne nami m’htut cu Khanpughi am yeikyai nak ah nami douthak vai nei. Akdäm nami law püi ah khawihnah nak ah mawng cu nami shäu vai. Cun cu nangmi naw m’hni ne nami bi hlü ah kyak ci.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

2 SHONTÄP NAK 31:14

Imnah ah htapa Kore, Levit chang cu Taigüim ah a kiangtäng m’kawt ngäng angvaipi cu Bawipa am ami pek ah m’cümhnah gui dou khai la a cun gui tei tawng khai ah angvaipi ah tha ci gui.