TAIGÜTHUM 22:15 - Cho Bible Common Language 2016

^15-16 Taigü naw cun ah douthak cu kä ei tu khin ciah chang ei tu sak ne, kä a ng’lat en sak vai; acun naw cheishoh nak la m’kyuk nak cu cun ah chang ah khan ah gawk sak khai. Kei cu Bawipa nei, kei naw douthak gui cu ka theingcim sak ci.

TAIGÜTHUM 22:15 Referans Kwoze

KHEI NAK 18:32

Nangmi naw a cun ah akni pi Bawipa am nami pek ah khoi ung acun nami ei ung cheishoh nak kä om khai. Cun ung phi Israel gui ah theingthap ciah m’cümhnah nak ungka, akni pikbäih kä douthak pha ung m’cümhnah nak ei kä nami lelawi en sak vai. Nangmi naw cun ah nami bi ah a kyak ung nangmi cu sih nak nami gah khai.”

TAIGÜTHUM 19:8

Cun ei ciah chang cu katnak bik ciah kyak ci, kei am ami na vawihpeh a i baw düt ah cik ciah kyak ci, ani cu kei ah chang ah kä kya tuba khai.

EZEKIEL 22:26

Taigü gui naw ka thukhän cu m’shet u ne, a theingcim cu kä kyih aa ci gui. Ngami naw theingcim ci la kä theingcim cicu kä m’khoi chak ci gui. Ngami naw theithang ci gui, kyiin hnüüp cu nawng ci gui. Ak hnu ah Israel chang gui naw kei cu kä na chang m’sui ci gui.

TAIGÜTHUM 22:9

“Taigü gui ami van naw kei ah ka pek ah thungyo gui cu ami ngaih nak vai. Kä cung ngami cu cheishoh ne sik khai gui, a i ah kyasei ci ung ngami naw theing ciah thungyo kä ami läk ah phä ah ah kyak ci. Kei cu Bawipa nei, kei naw ka theingcim sak ci nei.

PHYAWN NAK 28:43

Aaron la a hta gui naw angtäi sei ami sui vai ah, kei ah om nak ah phung kyong ah ami luh law ung, Atheingcim Hmun sonkiang pei ah tagü ah kya ne ami law ung, cheishoh ne ami mät kä ami sih vai ah, acun ah ami suisak vai nei. Shin cu Aaron la a hta ng’shon gui ah phäh ah ng’tän ciah thukhän ah kyak ci.