TAIGÜTHUM 22:13 - Cho Bible Common Language 2016

¹³ Cun ung phi, hmeinu, kä cunung, ami nawng ba ah hta hnumi cu a hta kä om sei, apa ah im ah law ba ne om tu ba ci naw, taigü ah kyak ciah apa ah chaw ah ei cu ei tu hning ci. Cun ah ei cu taigü kyong ung kyong chang ah kyak ci naw vah, ei tu hning ci.

TAIGÜTHUM 22:13 Referans Kwoze

TAIGÜTHUM 10:14

Nang la na kyongchang gui naw, taigü gui ah hmawk ah Bawipa am aktung ah m’cümhnah la aktung ah pektak ah amakaw la aphei khaw gui cu nami ei vai. Nangmi naw cun gui cu a i yah ah phi a theing nak ung nami ei hning ci. Israel chang gui ah hmuhchum-douthak nak ungka shin ah douthak gui cu nangmi ah chaw ah nang la na hta gui am ning pek gui nei.

ATÜNNAK 38:11

Cun ah kya khäta Judah naw, a hta ah chu Tama am, “Nang cu na pa ah hteit ba neta, ka hta Shelah kä a ng’vai pha ah chuih hmeinu ah na om vai nei,” cine pyen nak ci. Cun cu a hta Shelah a sih ba vai ng’ä ai neta a pyen na kyak ci. Tama cu apa ah hteit ba ci.

PHYAWN NAK 29:33

Hmakat nak m’geinsei nak ah, ngami phyutheh nak ah mawng ah kyasei, ngami naw ami ei vai. Shin ah ei cu theingciim ci kyasei taigü gui bäng naw ami ei vai.

TAIGÜTHUM 22:10

“Taigü kyong chang bäng naw va theing ciah douthak cu ei hning ci, a hei a u naw phi kä ei vai, taigü awn a täng ah om ciah chang, kä cung a ghüh ah chang naw phi kä a ei tu vai.

TAIGÜTHUM 22:12

Taigü ah hta hnumi, taigü ah kä kyak ci, cei nak ci naw theing ciah douthak cu kä ei tu hning ci.

PHYAWN NAK 12:43

Bawipa naw Moses la Aaron am, “Shin gui cu phyawn nak pawi ah thungyo ah kyak ci: A khawhei chang naw phyawn nak ei cu kä a ei tu vai.

THULÄÄN NAK 24:2

Cun kawn ah ani naw a hei pami cei na tuba khai.

1 SAMUEL 21:7

(Saul ah sei shäm ci; Doeg, Edom ah ka cu, a cu hnüüp a cu ah om tuk ci, a i ah kyasei ci ung ani naw yum nak ung abi vai om ci.)

EZRA 2:63

Jew uktu naw a pyen nak gui cu, ngami ung ka Urim la Thummim mang hning ciah taigü kä ah om pha ah chuih ngami naw khanpughi am douthak ah ei cu kä ei khai gui, ciah kyak ci.

EZEKIEL 44:8

Ngami naw Taigüim ung theingcim nak cu ma na ne ami bi nak vaisü ung akhohei chang gui am ma na sak gui ci gui nei.