TAIGÜTHUM 22:10 - Cho Bible Common Language 2016

¹⁰ “Taigü kyong chang bäng naw va theing ciah douthak cu ei hning ci, a hei a u naw phi kä ei vai, taigü awn a täng ah om ciah chang, kä cung a ghüh ah chang naw phi kä a ei tu vai.

TAIGÜTHUM 22:10 Referans Kwoze

MATTHE 12:4

Ani la apaw gui cu Khanpughi ah pum im kyong ah lut u netah, taigü gui bäng naw ami ei man ah Khanpughi-am peit ah m’htut cu ei ci gui ah kä kya ne ang?

1 SAMUEL 21:6

Cun ah kyasei taigüpa naw David am, Theing ciah m’htut cu pek ci, a i ah kyasei ci ung ani ung Khanpughi am douthak ah m’htut gui bäng om ci, cun cu theing ciah tawnglang ung ka m’htut ak thai awn m’thawng ba ne ami lak ba ah kyak ci.

PHYAWN NAK 29:33

Hmakat nak m’geinsei nak ah, ngami phyutheh nak ah mawng ah kyasei, ngami naw ami ei vai. Shin ah ei cu theingciim ci kyasei taigü gui bäng naw ami ei vai.

PHYAWN NAK 12:45

Chang omktu la chang ghüh naw kä ami ei tu vai.

TAIGÜTHUM 22:13

Cun ung phi, hmeinu, kä cunung, ami nawng ba ah hta hnumi cu a hta kä om sei, apa ah im ah law ba ne om tu ba ci naw, taigü ah kyak ciah apa ah chaw ah ei cu ei tu hning ci. Cun ah ei cu taigü kyong ung kyong chang ah kyak ci naw vah, ei tu hning ci.

KHEI NAK 3:10

Taigübawi ah bii kawt khai gui ah Aaron la a hta gui cu nang naw na m’düih gui vai. A hei chang naw shin ah bii abi tu phung ung ngawn vai.”

PHYAWN NAK 12:43

Bawipa naw Moses la Aaron am, “Shin gui cu phyawn nak pawi ah thungyo ah kyak ci: A khawhei chang naw phyawn nak ei cu kä a ei tu vai.

TAIGÜTHUM 21:22

A cun ah mäih chang naw, kei am ami na thak law ah ei cu a ei vai. Theingcim ciah ei-douthak la atheingcim pikbäih ah ei-douthak avan ah kyak ci.

1 SAMUEL 21:7

(Saul ah sei shäm ci; Doeg, Edom ah ka cu, a cu hnüüp a cu ah om tuk ci, a i ah kyasei ci ung ani naw yum nak ung abi vai om ci.)

EZRA 2:63

Jew uktu naw a pyen nak gui cu, ngami ung ka Urim la Thummim mang hning ciah taigü kä ah om pha ah chuih ngami naw khanpughi am douthak ah ei cu kä ei khai gui, ciah kyak ci.

EZEKIEL 44:8

Ngami naw Taigüim ung theingcim nak cu ma na ne ami bi nak vaisü ung akhohei chang gui am ma na sak gui ci gui nei.