Aaron la a hta gui am a pyen sak cu, “Nangmi naw kei ah ka ming theingcim ung thüisei nak kä nami law püi vai. Cun ah kyasei Israel chang gui naw kei am ami na ap law ah theingcim ciah douthak nak cu nami kyih aa vai. Kei cu Bawipa nei.
“Cun kawn ung phi Israel gui naw akbä pi ah ngai ne kei ung ami na pek law ah a hei gui cun phi ngami ah ka ah kyak khai. Kei naw cun gui cu nang la na hta pami gui, na hta hnumi gui am khonglän avan ung ka pe gui ci nei. Theingthap ciah na kyong chang päng naw cun gui cu a ei vai nei.
Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.
