TAIGÜTHUM 21:9 - Cho Bible Common Language 2016

⁹ Taigü ah hta hnumi a plet ah a kyak ung, apa m’thüi ciah kyak ci, ani cu m’khih ne ngawn vai.

TAIGÜTHUM 21:9 Referans Kwoze

ATÜNNAK 38:24

Cha thum vai lüng khäta, chang tumat naw, “Na hta ah chu Tama cu m’gaai ci nei” cine m’thein ci gui. Judah naw, “Ani cu la ne mei awn m’khih ne ngawn vä” cik ci.

TAIGÜTHUM 19:29

“Nami hta hnumi gui cu chang pawmyau ah kä nami kyak sak vai, kä nami thüi sak vai. Cun ah nami bi ah a kyak ung nangmi cu a hei khanpughi gui ah nami ng’hlat ci kyak khai. Khaw avan phi m’guk plet nak awn be khai.

TITUS 1:6

Khritha k’tahnga cu m’kat vai ah kä om ciah chang ah kyak khai, tumat bäng chu nak khai, a hta gui cu yum ciah chang gui ah kyak khai, Om she m’gäi m’cik ci gui, beit kä ng’yak ci gui ah kä kiäen khai.

MALAKHI 2:3

Nami hta gui cu ka m’kyuk gui khai, Nami ghu tha nak ah seime ah ek awn nami hmai ka ning pet gui khai — nangmi cu ek ng’pum ah khan ah ning ghawh gui vai.

EZEKIEL 9:6

Aghipa, chang nong, hnumi nong, nunu gui, hta hmaw gui, ngawn gui vä. Cun ung phi am calai ung m’hnüt nak om cicu kä name tawn en vai. Shin ah kei ah Taigüim pei ung name tün vai.” Cun ah kyasei ngami haw Taigüim pei ah ng’düi ciah ang vai gui ung tün ci gui.

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

1 SAMUEL 2:34

Na hta goi Hophni la Phinehas cu hnüüp ät ung a täng ah ani sih ah a kyak ung, acun naw kei ah ka pyen phung a bä nak cu m’dang khai.

1 SAMUEL 2:17

Shin ah Eli ah hta gui ah hmakat nak cu Bawipa ah ma ah, ak ka pi k’bäih ah kyak ci, a i ah kyasei ci ung ngami naw Bawipa am douthak cu kä chang m’sui u ne, shicha bik ci gui.

JOSHUA 7:25

Cun kawn ah Joshua naw, “A i ah kyasei shin ah khükha nak keimi ah khan ah na law püi ang? Tuhbäi Bawipa naw na khan ah khüikha nak law püi ci nei” cik ci. Chang avan naw Achan cu sik khai ah lung awn vawi ci gui. Akyong chang gui la a khawh gui cun phi lung awn vawi ne mei awn m’khih ci gui.

JOSHUA 7:15

Kei naw ka tawk ah chang tumat cu phyuntam ah khaw awn a täng ah hmuh ah a kyak ung, ani cu a kyong chang gui la a khawh avan awn a täng ah mei awn m’khih vai. Cun cu anu naw Israel gui ah khan ah kyih vai ah lüng’a nak a law püi ah phäh la kei ah thukhän am shet ah phäh ah kyak ci.

TAIGÜTHUM 20:14

Pami tumat naw hnumi tumat la anu a chu nak goi ah a kyak ung ami van thum cu m’khih ne ngawn gui vai. Cun cu thüisei nak vai ami bi ah hmawk ah kyak ci, acun ah mäih cu nami ng’lung ah api ah phi kä bilawh vai.

PHYAWN NAK 31:14

Nangmi naw düm nak ah hnüüp cu nami shum khek vai, a i ah kyasei ci ung cun cu theingcim ci. Cun ah hnüüp kä shum khek ne bii bik ciah chang cu sih nak ung tüih vai.

THULÄÄN NAK 22:21

Ngami naw cun ah hnumi cu apa ah im valuh nak ung law püi u neta, acun ah mang gaw chang gui naw ani cu lung awn vawi ne ngawn khai gui. Ani cu apa ah im ung a om yah ung kä a cei mah pha ung ng’yawpawm tu ne, mi chang gui ah ng’lung ah lü ng’a nak bik ciah kyak ci. A cuk cha ah nangmi naw akshe cu nami nawt heng vai.