TAIGÜTHUM 21:6 - Cho Bible Common Language 2016

⁶ Ani cu a theingcim vai, kei ah ka ming ung kä a thüisei vai. Ani naw ei-douthak nak cu kei ung ana douthak vai, ani cu a theingcim vai.

TAIGÜTHUM 21:6 Referans Kwoze

TAIGÜTHUM 18:21

Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

TAIGÜTHUM 3:11

Shin gui avan cu Bawipa am ei-douthak ah sonkiang ah khan ah taigü bawi naw am khih vai.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

EZEKIEL 44:7

Ngami naw kei ah Taigüim cu kei ah ng’thu kä ngai ciah chang gui, vun-ah nak kä bik ciah a khohei chang gui luh sak gui ne lelawi sak ci gui nei, khawihnah nak ah athau la asi cu kei am ami na douthak yah ung ngami cu Taigüim ung lut ci gui nei. Cun ah kyasei ka chang gui naw shemshai ci gui avan bi u ne, kei ah thukhän cu m’shet ci gui nei.

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

EZRA 8:28

Kei naw ka pyen na gui ci, “Nangmi cu nami pupa gui ah Khanpughi Bawipa ah ma ah nami theingcim ci, cun ah kyasei theing ciah ngui la mangca ah ghui avan cu law püi ne ng’pängye douthak nak ah ani am nami ap vai.

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

TAIGÜTHUM 19:12

Kä nami k’pan vai ung kei ah ming awn shaitak nak kä nami bi vai, cun naw kei ah ming khan ah thüisei nak law püi ci. Kei cu Bawipa, nami Khanpughi nei.

TAIGÜTHUM 10:3

Cun kawn ah Moses naw Aaron am, “Shin cu Bawipa naw a yuk ng’thu law yah ung a pyen ah mawng ah kyak ci, ‘Kei ah khuut bik ci phung naw kei ah theingcim nak cu a kyih aa vai; kei naw ka bämang nak cu ka chang gui ung ka m’than khai’ cik ci.” Cun ung phi Aaron cu kä chawkchek ne om ci.

PHYAWN NAK 29:44

Phung la sonkiang cu ka theingciim sak khai, Aaron la a hta gui cu taigü ah kya u ne, kei ah bii ami bi vai ah ka ng’düih sak gui hnga khai.

PHYAWN NAK 28:36

“Ghui bäng awn cüiche nak pyang neta, ak khan ung vüt neta, “Bawipa am pek nei” cine guk vai.

PHYAWN NAK 19:22

Taigü gui phi ka pei ah ami law vai ung ami theingciim vai nei, kä cun ung ka m’kyuk gui khai nei cik ci.

TAIGÜTHUM 21:17

Aaron am a pyen nak cu, “Nang ah na htangshon ungka a pumsa kä küm ci phung naw ei-douthak nak cu kei am kä ana douthak en law vai. Cun cu ngawi yä a cun ah kyak khai.

TAIGÜTHUM 21:21

Aaron ah htangshon taigü cu, a pumsa ung kä küm ci a om ah a kyak ung, acun naw ei-douthak nak cu kei am kä ana douthak en law vai.

TAIGÜTHUM 20:3

Chang tumat mat naw a hta tumat mat cu Molek am pe ne, khawphung theing cu kä theingthap khai ah bi ne, ka ming theing a thüisei sak ah a kyak ung, kei naw hnungtuk ne ka ng’hlah tak khai, ani cu ka chang tumat ah kä ka k’bäi ba khai.

TAIGÜTHUM 21:23

Cun ung phi pumsa ung kä küm ciah chang läi cu, theing ciah yihdung pei ah kä a law vai, sonkiang ah pei ah phi kä a ng’et vai. Shin ah theingcim ci gui cu ani naw kä ang lat sak en vai, a i ah kyasei ci ung kei cu Bawipa, kei naw ka theingcim sak ci.”

KHEI NAK 16:5

Cun kawn ah Korah la a hnu ah läk ci gui am pyen na gui ci. “Ngawi ung khaw ngawi Bawipa naw na m’hnuh gui khai. A u cu ak chang ah kyak ciah mawng; a chang ah kyak cicu ani naw m’dang khai. Cun cu ani naw a ghü ah kyak khai, ani cu sonkiang ung et sak khai.

KHEI NAK 28:2

Khanpughi naw a yeikyai nak vai ah ak thäh ah ei-douthak cu k’bäi nak ah a khin ung, Khanpughi am ami pek vai ah Israel gui am shümthein gui vai ah kyak ci.