TAIGÜTHUM 21:5 - Cho Bible Common Language 2016

⁵ “A u taigü naw phi a thüi am dang nak ah a lu kä ak teiu vai, am khamu kä ak teiu vai, a pumsa kä ak phleim vai.

TAIGÜTHUM 21:5 Referans Kwoze

THULÄÄN NAK 14:1

“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.

EZEKIEL 44:20

“Taigü gui cu ami lu kä k’teiu yawp vai, ang ng’shäi ah phi kä ami tha vai. Ang büh ah ami tha vai.

MIKHAH 1:16

Judah chang gui, nami m’hni ah nami hta gui ah hmawk ah nami thüi nak ah nami lu k’plut vä. Nami hta gui cu omktu khaw ah hteh püi gui khai gui kyasei langta ah mäih ah nami lu plut vä.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

JEREMIAH 48:37

Ngami ami van naw ami lu k’teiu u ne ami m’khamu phi k’teiu ci gui. Ngami ami van naw ami kut aat u ne, chang nü naw suishe sui ci gui.

JEREMIAH 16:6

Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

ISAIAH 15:2

Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.

TAIGÜTHUM 10:6

Cun kawn ah Moses naw Aaron la a hta goi Eleazar la Ithamar am, “Nani lu kä huih ne kä nani om en vai, nani thüisei ciah mäih ah nani sui kä nani k’teh en vai. Cun ah nani bi ung nani sik khai, chang van ah khan ah Bawipa cu m’lungshe khai. Cun ung phi nami Israel chang gui ami van cu Bawipa naw a yuk chah law ah mei awn sik ciah phäh ah ami kyah vai nei.

TAIGÜTHUM 21:4

Ceimah law ne mätyah ah kya lawk ciah chang a sih nak ung a htüm tu ung, amät naw amät kä theingcim khai ah kä a bi en vai.

EZEKIEL 5:1

Bawipa naw pyen ci, “Hnicim Chang, khimsem ak ghat la ne, na m’ kha mu la na lumu avan nak’teiu vai. Cun kawn ah lumu gui cu khin neta thum ah na k’pai vai.