TAIGÜTHUM 21:22 - Cho Bible Common Language 2016

²² A cun ah mäih chang naw, kei am ami na thak law ah ei cu a ei vai. Theingcim ciah ei-douthak la atheingcim pikbäih ah ei-douthak avan ah kyak ci.

TAIGÜTHUM 21:22 Referans Kwoze

TAIGÜTHUM 2:3

Pawih ba ciah htang-douthak cu taigü gui naw khäm ci gui. Cun cu ang htei ah theingcim ci, Bawipa am douthak ah ei ungka lak ah kyak ci.

1 KORIN 9:13

Pum im kyong ah bi bik ciah chang naw pum im kyong ah ei vai gah ci, Mang kyang ung khawihhah ciah chang naw, mang kyang ung khawihnah nak cu gah tuk ci, cicu akcang ah nami hmat ci nei.

KHEI NAK 18:19

“Israel chang gui naw aktung ah ami na pek law gui avan cu, nang, na htapami gui, na htahnumi gui avan am khonglän avan ung ka ning pe gui ci nei. Shin cu kei naw nang la na htangshon ung ka bi ah kä she hlawt ciah thukhän ah kyak ci.”

TAIGÜTHUM 7:1

Shin gui cu thungba nak douthak nak ah thungyo gui ah kyak ci. Cun gui cu ang htei ah theingcim ci.

TAIGÜTHUM 2:10

Pawih ciah douthak cu taigü gui naw khäm ci gui, cun cu ang htei ah theingcim ci, cun cu Bawipa am douthak ah ei ungka lak ah kyak ci.

TAIGÜTHUM 6:29

Shin ah douthak ah ei cu taigü kyong pami gui naw ami ei vai. Cun cu ang htei ah theingcim ci.

TAIGÜTHUM 21:23

Cun ung phi pumsa ung kä küm ciah chang läi cu, theing ciah yihdung pei ah kä a law vai, sonkiang ah pei ah phi kä a ng’et vai. Shin ah theingcim ci gui cu ani naw kä ang lat sak en vai, a i ah kyasei ci ung kei cu Bawipa, kei naw ka theingcim sak ci.”

TAIGÜTHUM 22:25

A khawhei chang gui naw ami law püi ah seime cu ei-douthak ah kä nami douthak vai. Cun ah seime cu kheihlik ciah k’bäi ah kyak ci. Cun gui cu kä dou vai ah kyak ci.

TAIGÜTHUM 6:10

Cun kawn ah taigü naw linen suinu sui ne, linen k’chi sa neta, sonkiang khan ung situi ah ng’shüi ciah m’vut cu heng ne sonkiang ah ang leng ung a tha vai.

TAIGÜTHUM 7:6

Taigü kyong pami phung naw cun cu a ei vai. Cun ung phi cun cu a theingcim nak ung ei vai, a i ah kyasei ci ung cun cu ang htei ah theingcim ci.

TAIGÜTHUM 10:12

Moses naw Aaron la om ba ciah a hta goi Eleazar la Ithamar am, “Bawipa am ei-douthak ungka pawih ciah htang-douthak cu na lak vai, acun awn k’caw kä shum ah m’htut cu pyang neta, sonkiang pei ah nami ei vai, a i ah kyasei ci ung cun ah douthak cu anghtei ah theingcim ciah kyak ci.

TAIGÜTHUM 10:17

“A i ah kyasei nangmi naw katphyawn douthak nak cu a theing nak ah hmun ung nami ei ang? Shin cu ang htei ah theingcim ci, chang van ah katnak nawt heng nak vai ah Bawipa naw a ning pek gui ah kyak ci.

TAIGÜTHUM 14:13

Ani naw cun ah htome hta cu katphyawn douthak nak la m’khih ne douthak nak ah seime gui ami ngawn nak ah theingcim ciah hmun ung ngawn khai. Ani naw shin cu a bi bä bä vai, a i ah kyasei ci ung katphyawn douthak nak ah mäih ah thungba nak douthak cu taigü ah kaa ah kyak ci, ang htei ah theingcim ci.

TAIGÜTHUM 22:7

Khaw hni a hang kyak awn ah ani cu theingthap ci, cun kawn ah theing ciah douthak cu ani naw ei hning ci, cun cu ani ah ei ah kyak ci.

TAIGÜTHUM 27:28

Bawipa am yum nak awn a ap phung cu a u naw kä yoi hning ci. Kä khleih ba hning ci. Cun cu chang ah a kyak ung phi, seime ah a kliak ung phi, lolai ah a kyak ung phi, cun cu Bawipa naw angdäih ah a khäm pyi ah kyak ci.