TAIGÜTHUM 21:11 - Cho Bible Common Language 2016

^11-12 Ani cu kei ung ng’ap pyi ciah kyak ci, amät naw amät kä theingthap khai ah kä a bi en vai, kä cung theingcim ciah ka Phung nawng shüt ne phi kia, anu pa ah a kyak ung phi aksi htüm nak ah im ung luh ng’lang ne phi kia, amät naw amät kä theingthap khai ah kä a bi en vai.

TAIGÜTHUM 21:11 Referans Kwoze

KHEI NAK 19:14

Phung kyong ah chang tumat mat a sih ah a kyak ung acun yah ung shaum kyong ah om ciah chang, kä cun ung, valut ciah chang cu hnüüp chih ung kä theingthap ciah kyak ci.

TAIGÜTHUM 19:28

Nami mät naw nami mang kä nami guk vai. Aksi ah phäh ah thüsei ne pumsa kä nami k’phleim vai. Kei cu Bawipa nei.

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

THULÄÄN NAK 33:9

Ngami naw ami pupa, phäi nau, hta nau gui ah ta, dämduh pi ciah bekhüt nak cu nang ung m’dang ci gui. Ngami naw nang thumkhän gui cu läk ci gui. Nang ah thukhän ung bekhüt ci gui.

KHEI NAK 19:11

Gook tawk ciah chang phung khaw hnüüp chih ung kä theingthap ci.