TAIGÜTHUM 21:1 - Cho Bible Common Language 2016

¹ Bawipa naw Moses am thumkhän ne, Aaron tu taigü gui am a pyen sak cu, “A u taigü naw phi amätyah a sih ung, cun ah gook a htüm nak tu awn amät naw amät kä theingthap khai ah kä a bi vai.

TAIGÜTHUM 21:1 Referans Kwoze

EZEKIEL 44:25

“Taigü naw gook kä a bi vai, gook abi ung kä theingthap ciah kyak ci, cun ung phi a nupa, a hta, a phäi nau, kä ceimah ciah abe cu bi hning ci.

KHEI NAK 19:14

Phung kyong ah chang tumat mat a sih ah a kyak ung acun yah ung shaum kyong ah om ciah chang, kä cun ung, valut ciah chang cu hnüüp chih ung kä theingthap ciah kyak ci.

TAIGÜTHUM 21:11

Ani cu kei ung ng’ap pyi ciah kyak ci, amät naw amät kä theingthap khai ah kä a bi en vai, kä cung theingcim ciah ka Phung nawng shüt ne phi kia, anu pa ah a kyak ung phi aksi htüm nak ah im ung luh ng’lang ne phi kia, amät naw amät kä theingthap khai ah kä a bi en vai.

TAIGÜTHUM 19:28

Nami mät naw nami mang kä nami guk vai. Aksi ah phäh ah thüsei ne pumsa kä nami k’phleim vai. Kei cu Bawipa nei.

MALAKHI 2:4

Shin ah thumkhän ka ning pek gui cu nangmi naw nami hmat khai. Cun ah kyasei taigü gui la Levi gui ah hta ng’shon gui am ka thukhän cu kä she phung khai.

MALAKHI 2:1

Hlüngtai ciah Bawipa naw taigü gui am, “Shin ah thumkhän cu nangmi ah hmawk ah kyak ci nei:

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,

KHEI NAK 19:16

Ami ngawn ah ng’saisi, kä cun ung, amät sik ciah chang, käcung, dim si baw tawn ciah chang, aksi ah guh, cimhmun tawn ciah chang cu hnüüp chih ung kä theingthap ci.

KHEI NAK 5:2

“Israel chang gui thumkhän pe gui ä, kheilei ung gaw ci gui, pumsa am thak gui, aksi bi ne kä theingthap ci gui cu, shaum pigaw ungka naw k’täm gui vai nei.

KHEI NAK 6:6

Ani ah lusam cu Khanpughi ah ang ap nak m’hnüt nak ah kyak ci. Cun ah kyasei ani naw gook ah pei ah a hteh nak awn amät naw amät kä a lelawi sak vai. Apa ah a kyak ung phi, ani ah a kyak ung phi, a phäi apai ah a kyak ung phi, kä ak et vai.

KHEI NAK 19:11

Gook tawk ciah chang phung khaw hnüüp chih ung kä theingthap ci.