TAIGÜTHUM 20:8 - Cho Bible Common Language 2016

⁸ Ka thukhän gui nami läk vai, a i ah kyasei ci ung kei cu Bawipa kei naw ka ning theingcim sak gui ci.

TAIGÜTHUM 20:8 Referans Kwoze

PHYAWN NAK 31:13

Israel chang gui m’thein gui vai cu, “Kyin nak cu nami shumkhek vai, kei ah ng’düm nak ah kyak ci. Shin cu kei la nangmi ah ng’lak ung ngawiyä m’hnüt nak ah kyak ci. Acun naw Kei, Bawipa naw ka mät ah chang ah ka ning pyan gui cu dang sak ci.

JAMES 1:22

Thucim nami ngaihyak nak tu düt awn kä nami hleeihlak-en vai nei; cun ah thu cu akcang ah nami mang thei vai nei.

2 THESSALONIAN 2:13

Phäi nau gui aw, Keimi naw Bawipa naw a ning m’hni gui ah nang mi ah hmawk ah angtäi sei Khanpughi cu kami m’kümto khai nei. Khanpughi naw nangmi ak htük bäih ah hun nak nami gah khai ah a ning khü gui cu, Mumcha Theing ah hlüngtai nak awn theingcim ciah akchang ah nami kyak ah hmawk la cacim nami yum ah hmawk ah kiak ci.

1 THESSALONIAN 5:23

Dimdeeih nak ah a phung Khanpughi naw, a mawng alam avan ung ning theingcim sak gui sä! Bawipa Jesuh Khrit a kyum law ba ung ng’ä vai kä om khai ah, nami mumcha, nami m’lung ngaih, nami pumsa avan cu Khanpughi naw ning kut shum gui sä.

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

MATTHE 7:24

‘Kei ah ng’thu cu ngai ne ng’ya ne läk ciah chang cu, lung khui shawk ne im co ciah Lunglang ciah chang awn täng ci.

MATTHE 5:19

Akyaw pibäih ah thukhän kä läk vai ah m’theithang tuk ciah chang cu, khankho ah akyaw ken pibäih ah kyak khai. Cun ung phi thukhän gui cu läk ne, chang-am phi a läk vai ah m’theithang tuk ciah chang cu, khankho ah hlüngtai pi khai.

EZEKIEL 37:28

Kei naw acä ah, ami ng’lung ah khaw ng’län ung om khai ah ka Taigüim ka k’süm law ah a kyak ung, changpakhui gui naw kei, Bawipa naw Israel gui cu ka mät ah chang vai ah ka ghü gui ciah hmat khai gui nei.”

EZEKIEL 20:12

Kami ng’lak ung yum ät nak m’hnüt nak ah kyiin hnüüp cu ami k’pan vai ah ka pyang gui ci. Acun naw ngami theingcim sak gui ciah kei, Bawipa cu shüm sak gui khai.

TAIGÜTHUM 19:37

Ka thukhän gui la thumkhän gui avan nami läk vai nei. Kei cu Bawipa nei.”

MATTHE 23:17

Chang she mik m’dauh gui ngai shüm vä, ghui ang, a küikyang pi, ghui theingthap sak ciah pum im ang a küikyang pi?

TAIGÜTHUM 19:19

“Ka thumkhän cu nami ngaih vai. Vuhchah ah seime gui k’caw ne kä ng’ghui sak vai. Lo tumat ung geit m’shi ming goi kä geit vai. Ming hnih awn tah sui, kä sui vai.

TAIGÜTHUM 20:26

Nangmi nami theingcim vai, kei bäng ung nami ng’khäm vai. A i ah kyasei ci ung kei cu Bawipa, kei cu ka theingcim ci. Kei naw chang khuihei gui ungka ka ning k’pai gui ci, cun ah kyasei nangmi cu kei bäng ung nami ng’khäm vai.

TAIGÜTHUM 22:32

Kei ah ka ming theing ung thüisei nak kä nami law en püi vai, Israel chang avan naw kei cu ka theingcim ciah ang kiaa vai. Kei cu Bawipa nei, kei naw nami theingcim khai ah ka ning pyang gui khai;