TAIGÜTHUM 20:7 - Cho Bible Common Language 2016

⁷ Nami mät naw nami mät nami theingcim sak vai, a i ah kyasei ci ung kei cu Bawipa nami na Khanpughi ah kyak ci.

TAIGÜTHUM 20:7 Referans Kwoze

TAIGÜTHUM 11:44

Kei cu Bawipa nami na Khanpughi ah kyak ci, nangmi cu nami theingcim vai, a i ah kyasei ci ung kei cu ka theingcim ci.

TAIGÜTHUM 19:2

Israel chang gui a pyen nak gui vai ah am thein cu, “Nami theingcim vai, a i ah kyasei ci ung kei, Bawipa, nami na Khanpughi cu ka theingcim ci.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

1 THESSALONIAN 4:7

Khanpughi naw m’gukplet humhlam vai ah a na khü gui ah kä kiak ci, ak theingcim ah om vai ah ana khü gui ah kyak ci.

1 THESSALONIAN 4:3

Khanpughi naw nangmi cu nami theingcim vai lah ng’yakhlü m’gukplet nak kä a om-en vai ah ang yak hlü om ci nei.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

JOSHUA 24:19

Joshua naw chang gui am, “Cun ung phi nangmi cu Bawipa ah bii bi vai ah kä nami khin khaa ci nei. Ani cu theingciim ciah Khanpughi ah kya ne, nangmi ah hmakat nak cu kä ning m’geinsei gui khai. Ani naw ng’kükneet püi ci a u phi kä m’gein ci,

TAIGÜTHUM 11:45

Kei cu Egypt ungka ka ning law püi ba gui ciah Bawipa, cun ah kyasei kei cu nami Khanpughi ah ka kyak ci. Nangmi cu nami theingcim vai, a i ah kyasei ci ung kei cu ka theingcim ci.

TAIGÜTHUM 21:8

Chang gui naw taigü cu theingcim ciah ami k’bäi vai, a i ah kyasei ci ung ani naw ei-douthak nak cu kei am na pek ci, kei cu Bawipa, ka theingcim ci, ka chang gui ka theingcim sak gui ci.

TAIGÜTHUM 21:15

Kä cun ung theingthap khai ah a hta nau gui cu kä theingthap ciah kya lawk khai gui. Kei cu Bawipa ah kya ne, kei naw ani cu khei ne taigütung ah ka m’düih ci.”

TAIGÜTHUM 21:23

Cun ung phi pumsa ung kä küm ciah chang läi cu, theing ciah yihdung pei ah kä a law vai, sonkiang ah pei ah phi kä a ng’et vai. Shin ah theingcim ci gui cu ani naw kä ang lat sak en vai, a i ah kyasei ci ung kei cu Bawipa, kei naw ka theingcim sak ci.”

JOSHUA 3:5

Joshua naw chang gui am, “Nami theingthap vai nei, a i ah kyasei ci ung ngawi ung Bawipa naw nami ng’lung ah cäi aih vai cu bi lawk khai nei.”