TAIGÜTHUM 20:6 - Cho Bible Common Language 2016

⁶ “Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

TAIGÜTHUM 20:6 Referans Kwoze

TAIGÜTHUM 19:31

Aksi ah mümcha naw a luh nak ah chang cu m’cumcäi vai ah kä nami hteh shi vai. Cun ah nami bi ah a kyak ung nangmi cu kä theingthap ciah nami kyak khai. Kei cu Bawipa nami na Khanpughi nei.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

TAIGÜTHUM 20:27

A u pami, a u hnumi phi aksi ah mümcha naw a kai ah chang cu lung awn vawi ne ngawn vai, a u chang phi a cun ah bik ciah chang cu a sih nak vai ma nak ciah kyak ci.”

SAM 73:27

Nang ung ng’shawng ne om ci gui cu nang naw na m’di gui khai; nang ung kä bekhüt ci gui cu nang naw na m’di gui khai.

HOSEA 4:12

Ngami naw na lam ah mawng sing k’pi ng’shik ci gui. Ngami naw ami hmat hlü cu htung phe naw m’thein gui ci. Ngami naw kei na hteh tak ci gui. Pawmyau ciah hnumi ah mäih ah ngami naw ahei khanpughi am ami mät cu ap ci gui.

EZEKIEL 6:9

acu ah ngami cu omktu ah kya ne om khai gui. A cu ah ngami naw kei cu na shüm khai gui, kei naw m’kyuk gui ne ka thüisei sak gui ciah ngami naw hmat khai gui, a i ah kyasei ci ung ngami ah kä bekhüt ciah m’lung naw kei cu na nawng ne, ngami naw kei ah ta agup ami m’hni pi ah phäh ah kyak ci nei. Ngami cu akshekha, a cheishoh ami bi ah phäh ah ami mät naw amät shemshai lawk khai gui nei.

KHEI NAK 15:39

Cun ah cheipai cüiche gui cu shüm nak tu ah kyak khai gui. Cun gui nami hmuh päng ung nangmi naw ka thumkhän avan nami shüm ba khai, nami läk khai. Cun ung nangmi cu kei ungka kä nami dawng khai. Nami mät ah m’hni nami mät ah ng’yak hlü kä nami läk khai.

TAIGÜTHUM 19:26

“A sa kyong ah asi om yah ciah meh cu kä nami ei vai. Cecai nak ah ei phung cu kä nami ei vai.

LAMKTU 16:16

Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci.

PHYAWN NAK 22:18

“Cuun ciah hnumi cu ngawn vai.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

TAIGÜTHUM 20:5

Kei ka mät naw cun ah pami la a kyong chang avan cu hnungtuk ne ng’hlah ta neta, Molek khawihnah ciah chang avan cu ka hnungtuk püi khai. Kei naw ka chang ah kä ka k’bäi ba gui khai.

JEREMIAH 44:11

“Cun ah kyasei kei, m’gäi ciah Bawipa, Israel dhanpughi naw hnungtuk ne ning hlah ta gui ne Judah avan ka m’di khai.

PHYAWN NAK 22:17

A chu nak vai cu hnumi ah pa naw kä a yum ah a kyak ung, ng’lami ah man chü apa am a pek vai.