TAIGÜTHUM 20:5 - Cho Bible Common Language 2016

⁵ Kei ka mät naw cun ah pami la a kyong chang avan cu hnungtuk ne ng’hlah ta neta, Molek khawihnah ciah chang avan cu ka hnungtuk püi khai. Kei naw ka chang ah kä ka k’bäi ba gui khai.

TAIGÜTHUM 20:5 Referans Kwoze

SAM 106:39

Ngami cu ami mät ah bi awn ami mät kä ng’ciim sak u ne, Khanpughi ung kä bekhüt ci gui.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

JEREMIAH 3:2

Khaw m’htun gui cä teng vä. Pawzam ciah mäih ah nami hnünthawh nak ah kä kyak ciah hmun om ne ang? Arab naw khaw ng’gau khaw ung a guttep vai ah ngäng ah mäih ah nang naw lampei pum ung na m’hni gui cu na ngäng ci nei. Nangmi naw nami pawmya nak awn kho avan nami pawmya sak ci.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

TAIGÜTHUM 17:7

Israel chang gui cu kä bekhüt ne, kä ami kyak en ba vai bung pya ah khogam khawihnah nak ah seima kä ami ngawn en ba vai. Israel chang gui naw shin ah thungyo lawk ciah akhin avan ung ami pan khek vai.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

TAIGÜTHUM 20:4

Ani ah bilawh ah phäh ah chang gui naw ani cu nawng düt u ne sih nak kä ami pek ah a kyak ung,

TAIGÜTHUM 20:6

“Chang tumat mat cu aksi ah mümcha ah luh nak ah chang, m’cumcäi tuk khai ah a hteh ah a kyak ung, kei naw hnungtuk ne ka ng’hlah tak khai. Ka chang tumat ah kä ka k’bäi ba khai.

2 SHONTÄP NAK 21:11

Ani naw Judean khawgui hlüng ung kho she khawihnah nak hmun gui phi co ne, Judah la Jerusalem chang gui am Bawipa hnungtuk ne katnak bi sak gui ci.

JEREMIAH 44:11

“Cun ah kyasei kei, m’gäi ciah Bawipa, Israel dhanpughi naw hnungtuk ne ning hlah ta gui ne Judah avan ka m’di khai.