TAIGÜTHUM 20:3 - Cho Bible Common Language 2016

³ Chang tumat mat naw a hta tumat mat cu Molek am pe ne, khawphung theing cu kä theingthap khai ah bi ne, ka ming theing a thüisei sak ah a kyak ung, kei naw hnungtuk ne ka ng’hlah tak khai, ani cu ka chang tumat ah kä ka k’bäi ba khai.

TAIGÜTHUM 20:3 Referans Kwoze

TAIGÜTHUM 18:21

Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

EZEKIEL 5:11

“Cun ah kyasei kei ghing ciah khanpughi-uktu Bawipa ah ng’thu nei-ai ah kyasei ci ung nangmi naw akshe kha avan awn ka Taigüim cu lelawi sak u ne, shemshai ci gui cu name bik ci, kei naw nangmi cu kä Chimgein ne ka ning tupit gui khai.

TAIGÜTHUM 17:10

Israel chang gui, kä cung ami ng’lung ah om tuk ciah khuihei chang gui naw, si om ciah sa a ei ah a kyak ung Bawipa naw hnu na ne ng’hlah tak khai, ani cu a chang tumat ah kä k’bäi ba khai.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

EZEKIEL 20:39

Uktu Bawipa naw pyen ci, “Tuhbäi, Israel gui nami van, nami mät! Hteit u ne nami a gup gui cu khawihnah vä! Cun ung phi kei naw ka ning k’bäi gui cu, cun kawn ah nangmi naw kei nami na ngaih vai, nami agup gui am m’cümhnah nak douthak ne, kei ah ming theing ah thang nami m’shet nak cu nami ng’düm vai.

KHEI NAK 19:20

Kä theingthap ciah chang la amät kä ng’gängsei ciah chang cu kä theingthap lä ciah kyak ci. A i ah kyasei ci ung ng’gängsei nak vai ah tui awn ani kä ang shawi pha ah phäh ah kyak ci. Ani cu Bawipa ah Phung lelawi sak ciah kyasei, ani cu Khanpughi ah chang ah k’bäi vai ah kä kya ba ci.

TAIGÜTHUM 15:31

Israel chang gui ah kä ami theingthap nak akbäi nak gui vai ah Moses am Bawipa naw pyen nak ci. Cun ah kyasei ani ah om nak ah Phung cu ngami naw kä lelawi sak ci gui, cun cu shaum pigaw ah ang lung ung om ci. Cun ami bi ah a kyak ung ngami cu ngawn gui khai gui.

1 PETER 3:12

A i ah kyasei ci ung Bawipa naw chang k’ni chang k’veih gui cu, Ngäng gui ne, ami taigü cu ngai gui ci. Cun ung phi akshe bik ci gui cu ng’hlah ta gui ci.

TAIGÜTHUM 20:4

Ani ah bilawh ah phäh ah chang gui naw ani cu nawng düt u ne sih nak kä ami pek ah a kyak ung,

KHEI NAK 19:13

Gook tawn neta amät naw amät kä ng’gängsei sak ci phung cu kä theingthap ci, a i ah kyasei ci ung ng’gängsei nak vai ah tui awn ani kä ang shawi ah phäh ah kyak ci. Ani cu Bawipa ah Phung lelawi sak ciah kyasei, ani cu Khanpughi ah chang ah kä kya tuba ciah kyak ci.

PHYAWN NAK 30:33

Shin ah mäih ah bik ciah chang, taigü ah kä kyak ciah khan ah mang ciah chang cu kei ah chang ah kä kya tuba khai nei’ cik ci.”

TAIGÜTHUM 7:20

Cun ung phi kä theingcim ci naw a ei ah a kyak ung ani cu Khanpughi ah chang ah kä kya ba khai.

TAIGÜTHUM 7:21

A cun ah mäih ah chang tumat naw kä theingcim ci a tawn kawn ah cun ah douthak ah sa a ei ah a kyak ung, chang ungka ah a kyak ung phi, sei ungka ah a kyak ung phi, ani cu Khanpughi ah chang ah kä kya ba khai.

TAIGÜTHUM 19:12

Kä nami k’pan vai ung kei ah ming awn shaitak nak kä nami bi vai, cun naw kei ah ming khan ah thüisei nak law püi ci. Kei cu Bawipa, nami Khanpughi nei.

TAIGÜTHUM 21:6

Ani cu a theingcim vai, kei ah ka ming ung kä a thüisei vai. Ani naw ei-douthak nak cu kei ung ana douthak vai, ani cu a theingcim vai.