TAIGÜTHUM 20:2 - Cho Bible Common Language 2016

² Israel chang gui am, am thein gui vai ah pyen nak ci, “Nangmi ungka, kä cunung, nami ng’lung ah om tuk ciah a khaw hei chang tumat mat naw, a hta hmaw tumat mat cu Molek khanpughi khawihnah nak vai ah a pek ah a kyak ung, chang gui avan naw ani cu sik khai ah lung awn ami vawih vai.

TAIGÜTHUM 20:2 Referans Kwoze

THULÄÄN NAK 21:21

Cun kawn ah mang gaw ung om ciah chang gui naw lung awn vawi ne ami ngawn vai. Acun ah nangmi naw akshe cu nami nawt heng vai. Israel ung om ciah chang nü naw acun ah a kyak cu ng’ya u neta, kyik khai gui.

TAIGÜTHUM 24:23

Moses naw Israel chang gui am shin ah a pyen nak gui kawn ah, ngami naw cun ah chang cu shaum pigaw ah k’pung ah hteh püi u ne, lung awn vawi ne ngawn ci gui. A cu cha ah Israel chang gui naw Bawipa naw Moses am ang thumkhän ah mäih ah bik ci gui.

TAIGÜTHUM 24:14

“Cun ah chang cu shaum pigaw k’pung ah hteh püi vä. Ani ah ang plah ng’ya tuk ci phung naw, ani shekak ciah m’dang nak ah a kut alu khan ah taih sä. Cun kawn ah changbum van naw lung awn vawi ne ngawn vä.

TAIGÜTHUM 20:27

A u pami, a u hnumi phi aksi ah mümcha naw a kai ah chang cu lung awn vawi ne ngawn vai, a u chang phi a cun ah bik ciah chang cu a sih nak vai ma nak ciah kyak ci.”

TAIGÜTHUM 18:21

Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

LAMKTU 7:43

Nangmi naw nami m’kawn law gui cu, Molech ah ng’yo kiang lah nami aisi pughi Rephan ah kyak ci nei; Cun gui cu nami khawihnah vai ah nami mät naw nami pyan ah a gup gui ah kyak ci. Cun ah kyasei nangmi cu Babilon phlän neh nami hteit khai ah ka ning k’täm gui khai” ciah kyak ci.

EZEKIEL 23:39

Ngami naw kei ah ka hta gui ngawn ne agup gui ami khawihnah nak ah hnüüp ba ung, ngami cu my lai gü Im ah law ne lelawi sak ci gui!

EZEKIEL 23:37

Ngani cu pletbeng nak la Chang ngawn nak awn chei ci goi-agup gui awn pletbeng u ne, kei awn kami hta gui cu ngawn ci gui. Ngani naw kei ah hta gui awn a gup khawihnah ci goi.

EZEKIEL 20:31

Tuhngawi phi, nangmi naw acun ah mäih m’cümhnah nak cu douthak u ne, acun ah agup gui am nami hta gui cu mei ung m’khih ne khawihnah u ne nami mät nami lelawi sak ci nei. Cun ung phi nangmi Israel chang gui cu law u ne, kei ah ka ng’yak hlü cu a i ah a kyak cu nami na ng’shi lawk ci nei! Akcang ah kei cu uktu Bawipa, Ghing ciah Khanpughi nei, nangmi naw kei nami na ng’shi vai cu kä ka yum ci nei.

EZEKIEL 20:26

Kei naw ami mät ah douthak awn ami mät lelawi sak gui ne, ami hta-htük gui awn ka khawihnah sak gui ci. Cun cu ngami m’kyuk nak gui la kei cu Bawipa ah ka kyak ah mawng m’hnuh nak gui ah kyak ci.

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

JEREMIAH 7:31

Hinnom khongnawi ung ngami naw Topheth ah ami pyen ah sonkiang co u ne, ami htapami gui la hta hnumi gui cu avan ung mei ung khawihnah ci gui. Kei naw cun ah ami vi vai ah thumkhän kä ka pe gui ci. Cun cu kei ah m’lung ung kä law ge ci.

SAM 106:38

Ngami naw cun ah akat nak kä om ciah ak hmaw gui cu ngawn u khäta, kho avan cu chang ngawn ah si awn be ci.

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

2 SHONTÄP NAK 28:3

Hinnom kho ng’nawi ung ang ui m’khih nak phi bik ci. Ani naw shin ah khaw ung Israel gui ami law yah ung shin ah khaw ungka Bawipa naw aktäm gui ah chang gui ah shemshai ciah ami thungyo cu theibang ne, a gup gui am a mät ah hta gui hngaw m’khih ne douthak nak ah bik ci.

2 GHANGPUGHANG GUI 23:10

Ghangpughang Josiah naw Hinnom khongnawi ung khongyo ami khawihnah nak ah hmun Topheth cun phi phyek ci. Cun ah kyasei a u naw phi a htapami, a hta hnumi cu khanpughi Molek am khawihnah nak ah kä bi ba ci gui.

2 GHANGPUGHANG GUI 17:17

Ngami naw ami hta hnumi, pami gui cu m’khih-douthak nak ah pyang ne, khongyo khanpughi gui cu khawihnah ci gui; ngami naw khogam ah kai gui, cängbang ci gui cu ng’shikca u ne, ami mät naw ami mät ng’ap u ne, Bawipa täng ah hma cicu bi u ne, am lungshet sak ci gui.

THULÄÄN NAK 18:10

Nami sonkiang ah khan ah mei ung nami hta nau gui kä nami khawihnah en vai, nami chang gui am kä nami bi en sak gui vai cu, cäbang nak, cecai nak, taigü m’cu nak,

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

TAIGÜTHUM 17:15

A u phi, Israel chang, kä cung khuihei chang; amät sik ciah asa, kä cung a i naw bawh a lawh ah asa, ei ciah chang phung naw, a suisak am su vai, tui angsi vai, ani kä a theingthap ba pha ah chuih, mühun güt ung a güin vai.

TAIGÜTHUM 17:13

A u Israel chang, ami ng’lung ah om tuk ciah a u khuihei chang naw phi, theingthap ciah khisa, kä cung kha a pha ah a kyak ung, asi cu m’dek ung a huk vai, m’dek awn alin vai.

TAIGÜTHUM 17:8

A u Israel chang naw phi, ami ng’lung ah om tuk ciah a u khuihei chang naw phi, m’khih douthak nak, käcung a hei khawihnah nak a douthak cu,

TAIGÜTHUM 20:1

Bawipa naw Moses am

1 GHANGPUGHANG GUI 11:7

Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

TAIGÜTHUM 24:16

Cun kawn ah sih nak ung gawk khai. A u Israel chang phi, Israel ah om tuk ciah a u khaw hei chang phi, Bawipa plah ci phung cu, chang bum van naw lung awn vawi ne, nami ngawn vai nei.

THULÄÄN NAK 17:2

Gawnu tumat ung pami, kä cun ung hnumi naw katnak bi neBawipa a hnungtuk püi nak la thumkhän am shet nak cu nami ng’ya man khai.

THULÄÄN NAK 22:21

Ngami naw cun ah hnumi cu apa ah im valuh nak ung law püi u neta, acun ah mang gaw chang gui naw ani cu lung awn vawi ne ngawn khai gui. Ani cu apa ah im ung a om yah ung kä a cei mah pha ung ng’yawpawm tu ne, mi chang gui ah ng’lung ah lü ng’a nak bik ciah kyak ci. A cuk cha ah nangmi naw akshe cu nami nawt heng vai.