TAIGÜTHUM 20:16 - Cho Bible Common Language 2016

¹⁶ Hnumi tumat cu seime awn ani ng’yawpawm vai ah abi ah a kyak ung ani la seime cu ngawn vai. Ngani cu ani mät ah sih nak vai ma nak ci goi ah kyak ci.

TAIGÜTHUM 20:16 Referans Kwoze

HEBRU 12:20

A i ah kyasei ci ung, “Cun ah m’htung cu khisa naw phi a tawn ah a kyak ung lung awn vawi ne ngawn vai,” ciah thukhän cu ami kyih ah hmawk ah kyak ci.

PHYAWN NAK 21:32

Sei naw changshäm hnumi phi, pami phi a plawh ngawn ah a kyak ung, kaa mah naw a lu lawng nak vai, sei cu lung awn vawi ne ngawn vai.

PHYAWN NAK 19:13

ani cu lung awn baw vawih vai, m’la awn baw kah vai, a u naw kä a tawn en vai. Shin cu chang la seime avan ah phäh ah kyak ci, cun gui cu sik khai gui. Cun ung phyung ami tum law ung, chang gui cu m’htung ah hang kai khai gui” cik ci.

PHYAWN NAK 21:28

“Sei naw chang a sih awng ah a plawh ah a kyak ung, cun ah sei cu lung awn vawi ne ngawn vai, sei ah sa cu kä ei vai, amah phi kä m’kyuk vai.

PHYAWN NAK 22:19

“Sei, me, ui, vawk awn ng’yawpawm ciah pami cu ngawn vai.

TAIGÜTHUM 18:23

A u pami, a u hnumi phi khisa awn kä a ng’yawpawm en vai, cun ah akshe ung ng’hlah nak naw kä ning theingthap sak khai.

TAIGÜTHUM 20:15

Pami tumat cu seime awn ani ng’yawpawm ah a kyak ung amät la seime cu ngawn vai.

TAIGÜTHUM 20:17

Pami tumat naw a be, kä cung, abe m’shum a chu nak ah a kyak ung, ngani cu chang khli ah ng’lung ah thui ng’aa ci goi kyasei, chang bum ungka naw k’täm goi vai. Ani cu a be chu nak ciah kyasei, kya lawk ci phung ma nak khai ah kyak ci.