TAIGÜTHUM 20:14 - Cho Bible Common Language 2016

¹⁴ Pami tumat naw hnumi tumat la anu a chu nak goi ah a kyak ung ami van thum cu m’khih ne ngawn gui vai. Cun cu thüisei nak vai ami bi ah hmawk ah kyak ci, acun ah mäih cu nami ng’lung ah api ah phi kä bilawh vai.

TAIGÜTHUM 20:14 Referans Kwoze

TAIGÜTHUM 18:17

Na yawpawm tu man ah hta hnumi, kä cunung, a hta ah hta hnumi cu kä na yawpawm vai; ngami cu na mätyah ah kyak khai, ng’een aih khai.

THULÄÄN NAK 27:23

“Khanpughi ah plah taam nak cu ak chu ah nu ng’yawpawm püi ciah chang päng ah khan ah gawk sä. “Chang avan naw ami m’shan vai cu, ‘Amen!’

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.

JOSHUA 7:15

Kei naw ka tawk ah chang tumat cu phyuntam ah khaw awn a täng ah hmuh ah a kyak ung, ani cu a kyong chang gui la a khawh avan awn a täng ah mei awn m’khih vai. Cun cu anu naw Israel gui ah khan ah kyih vai ah lüng’a nak a law püi ah phäh la kei ah thukhän am shet ah phäh ah kyak ci.

JOSHUA 7:25

Cun kawn ah Joshua naw, “A i ah kyasei shin ah khükha nak keimi ah khan ah na law püi ang? Tuhbäi Bawipa naw na khan ah khüikha nak law püi ci nei” cik ci. Chang avan naw Achan cu sik khai ah lung awn vawi ci gui. Akyong chang gui la a khawh gui cun phi lung awn vawi ne mei awn m’khih ci gui.

TAIGÜTHUM 21:9

Taigü ah hta hnumi a plet ah a kyak ung, apa m’thüi ciah kyak ci, ani cu m’khih ne ngawn vai.