TAIGÜTHUM 2:9 - Cho Bible Common Language 2016

⁹ Taigüpa naw amshah cu lak khai, cun cu Bawipa am avan douthak ah m’hnüt nak ah kyak khai, ani naw sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 2:9 Referans Kwoze

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

TAIGÜTHUM 6:15

Ani naw m’htut den shum ät la situi cu la ne, tui ng’ui awn sonkiang khan ah m’khih ci, cun cu Bawipa am avan douthak ah bi ah kyak ci. Cun ah douthak ah ang ui cu Bawipa naw yeikyai nak ci.

PHILIPPIAN 2:17

Nami yum nak awn Khanpughi am nami peit ah khawihnah nak ah khan ah, kei ah ka hnun si cu kam soi ah a kyak ung phi kei cu ka yei ci nei, nangmi phi ka ning yei sak gui ci nei.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

PHYAWN NAK 29:18

Htome avan cu sonkiang ah khan ah m’khih ne, ei ah douthak vai. Cun ah douthak ah ang ui cu kei naw yei ne ka dou khai.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

TAIGÜTHUM 2:8

Cun cu Bawipa am douthak vai ah law püi ne, taigüpa am pek vai, ani naw sonkiang ung tha khai.

TAIGÜTHUM 2:16

Taigüpa naw ei la situi ateih la ne am khih vai, cun cu m’hnüt nak ah bi ah kyak ci, ang ui gui avan phi a cun ah bi ah kyak ci, Cun cu Bawipa am ei-douthak ah kyak ci.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

TAIGÜTHUM 5:12

Ani naw taigüpa ah a law püi vai, taigüpa naw m’hnüt nak ah shum ät a lak vai, cun cu avan Bawipa am douthak ah kyak ci, ani naw cun cu sonkiang ung ei-douthak ah am khih vai. Cun cu katnak nawt heng nak ah douthak ah kyak ci.

TAIGÜTHUM 24:7

Ang thoot päng ung tui ng’ui tha vai, cun cu m’htut ah hnün ung Bawipa am ei-douthak ah m’hnüt nak ah kyak ci.

KHEI NAK 5:26

Cun kawn ah ani naw m’hnüt nak douthak nak ah cun cu shum ät a lak vai. Sonkiang ung am khih vai. Ak hnu ah hnumi am cun ah tui cu a awk sak vai.

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.