TAIGÜTHUM 2:3 - Cho Bible Common Language 2016

³ Pawih ba ciah htang-douthak cu taigü gui naw khäm ci gui. Cun cu ang htei ah theingcim ci, Bawipa am douthak ah ei ungka lak ah kyak ci.

TAIGÜTHUM 2:3 Referans Kwoze

KHEI NAK 18:9

Atheing thap pikbäih ah douthak sonkiang ung kä m’khih ah shin ah ak ka ungka gui cu nangmi ah khäm vai ah kyak ci. Htang douthak nak, katphyawn douthaknak la thung ba nak douthak nak, theingthap ciah douthak kei ung ami na pek law päng cu nang la na hta gui ah khäm ah kyak ci.

TAIGÜTHUM 21:22

A cun ah mäih chang naw, kei am ami na thak law ah ei cu a ei vai. Theingcim ciah ei-douthak la atheingcim pikbäih ah ei-douthak avan ah kyak ci.

1 SAMUEL 2:28

Israel pakhui avan ung ka, ka taigüpa gui vai ah ani a ah kyong khui cu ka ghü ci, sonkyang ung bi bik khai, masui sui ne kei awn ng’ge pai khai. Sonkyang ung m’khih ne, khawhnak nak aming pai nak tu hning vai ah ami chaw cu kei naw ka pe gui ci.

TAIGÜTHUM 7:9

Meibum ung ng’shai, hlaw k’am ung hlaw la m’sii k’am ung hlaw ah htang douthak phung cu, acun Khanpughi am douthak ciah taigü naw khäm ci.

TAIGÜTHUM 6:26

Seime awn khawihnah ciah taigü naw cun cu a theingcim nak ung a ei vai. Cun cu a hlüng nak ah Phung, Bawipa ah om nak ung ah kyak ci.

TAIGÜTHUM 2:10

Pawih ciah douthak cu taigü gui naw khäm ci gui, cun cu ang htei ah theingcim ci, cun cu Bawipa am douthak ah ei ungka lak ah kyak ci.

PHYAWN NAK 29:37

Shin cu a hnüüp tä hnüüp chih ung na bi vai. Cun kawn ah sonkiang cu akbe ah theingciim khai, a cun tawn ciah chang, tawn ci phung cu acun ah theingcim ciah huham naw theing sak khai.

TAIGÜTHUM 5:13

A shicha ah taigüpa naw chang ah katnak ah phäh ah khawihnah nak douthak khai, cun ung ani cu m’geinsei nak gah khai. Pawih ba ciah m’htut den cu taigüpa naw yawk khai, cun cu htang douthak nak ah kyak ci.

EZRA 2:63

Jew uktu naw a pyen nak gui cu, ngami ung ka Urim la Thummim mang hning ciah taigü kä ah om pha ah chuih ngami naw khanpughi am douthak ah ei cu kä ei khai gui, ciah kyak ci.

TAIGÜTHUM 6:9

m’khih ne douthak nak ah mawng shin ah thungyo gui cu, Aaron la a hta gui am na pek vai, m’khih ne douthak nak cu khomü pum ung sonkiang khan ung tha vai, mei phi acun ui lä khai ah m’khih vai.

TAIGÜTHUM 7:7

Katphyawn douthak nak la thungba nak douthak nak ng’dang sak ciah thungyo tumat om ci. Khawihnah nak douthak ciah taigü naw cun ah meh cu khäm ci.

TAIGÜTHUM 10:15

Cun ah khin ung ngami naw aphei khaw la amakaw cu ami law püi vai, a thau cu ei-douthak ah Bawipa am pek vai. Shin avan cu Bawipa ah thumkhän ah mäih ah nang la na htanau gui naw ngawiyä nami khäm vai ah kyak ci.

TAIGÜTHUM 14:13

Ani naw cun ah htome hta cu katphyawn douthak nak la m’khih ne douthak nak ah seime gui ami ngawn nak ah theingcim ciah hmun ung ngawn khai. Ani naw shin cu a bi bä bä vai, a i ah kyasei ci ung katphyawn douthak nak ah mäih ah thungba nak douthak cu taigü ah kaa ah kyak ci, ang htei ah theingcim ci.

EZEKIEL 44:29

Htang-douthak nak, kat ah phäh ah douthak nak la thungba-douthak nak gui cu taigü ah ei vai ah kyak ci, Israel khaw ung kei ah phäh ah ami hei tha nü cu ngami ah gah vai ah kyak ci.

EZEKIEL 46:20

a pyen cu, “Shin ah hmun cu taigü gui naw katnak ah phäh ah khawihnah nak, käcung thungbanak-douthak nak ami shon nak la douthak ah m’htut ami ng’shai nak ah kyak ci. Cun ah kyasei chang gui natsak gui khai ah atheingcim cu cham ah k’pung ah kä law püi ah kyak ci.”