TAIGÜTHUM 2:16 - Cho Bible Common Language 2016

¹⁶ Taigüpa naw ei la situi ateih la ne am khih vai, cun cu m’hnüt nak ah bi ah kyak ci, ang ui gui avan phi a cun ah bi ah kyak ci, Cun cu Bawipa am ei-douthak ah kyak ci.

TAIGÜTHUM 2:16 Referans Kwoze

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

SAM 141:2

Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

TAIGÜTHUM 2:12

Akum tä sei nami khäm htük ah püm htang cu Bawipa am douthak vai ah nami law püi vai, cun ung phi cun cu sonkiang ung kä m’khih vai.

TAIGÜTHUM 2:9

Taigüpa naw amshah cu lak khai, cun cu Bawipa am avan douthak ah m’hnüt nak ah kyak khai, ani naw sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 2:14

Khäm htük ah püm htang Bawipa am douthak vai na law püi ah a kyak ung kyang pyi ciah htang, kä cung phyawn pyi ah htang na pek law vai.

TAIGÜTHUM 2:15

Situi awn hläuh ne ang ui na luh vai.

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.