TAIGÜTHUM 2:12 - Cho Bible Common Language 2016

¹² Akum tä sei nami khäm htük ah püm htang cu Bawipa am douthak vai ah nami law püi vai, cun ung phi cun cu sonkiang ung kä m’khih vai.

TAIGÜTHUM 2:12 Referans Kwoze

PHYAWN NAK 23:19

“A kum tä sei nami khäm htük ah htang cu, Bawipa nami Khanpughi ah im ah nami law püi vai. “Htome hta, me hta cu anu ah suuk tui awn kä nami shon en vai.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

2 SHONTÄP NAK 31:5

Cun ah thukbäi ami pe gui vai am Israel chang gui naw akni pi ami htang, sapyit tui, oliv situi, khoitui, la ami lolai ung ami geit gui cu m’cümhnah nak ah law püi ci gui, ami taak nü unka bum gha bum ät phi law püi ci gui.

THULÄÄN NAK 26:10

Cun ah kyasei tuhbäi ani naw ana pek ah ka khäm htük ah ka geit cu Bawipa ah ka law püi ci nei.’ “Cun kawn ah vawh cu Bawipa ah ma ah hmoh neta, acun ung khawihnah ä.”

KHEI NAK 15:20

M’htut nami ng’shai law ah a kyak ung, athai nami htun htük ah m’htut phe cu aktung ah Bawipa am nami peik vai. Shin cu nangmi naw nami k’ceiu ah htang ungka aktung ah nami peik awn täng khai ah nami peik vai.

TAIGÜTHUM 7:13

Akbe nak ah ani naw k’caw awn pyan ah m’htut cu a douthak vai.

PHYAWN NAK 22:29

“Vüi law ma ciah nami htang, nami sapyit, la nami olive situi cu kei am nami na douthak vai. Nami hta htük cu nami na pek vai.

ATÜNNAK 23:17

Makpelah khaw ung Ephron ah khaw, Mamre hni law lam cu Abraham ah khaw ah kya lawk ci. A cun ung lai ni, ng’cim hmun ni, sing gui ni a peileng ah ka avan küm ci.

1 KORIN 15:20

Cun ung phi akcang cu Bawi Khrih cu sih nak ungka tho ba pyi ci, cun cu sih nak ung ip ciah chang gui ami thawh ba vai ah mawng ang kyän nak ah kyak ci.

PHYAWN NAK 34:22

“Nami geit tün ne nami khäm law vai ung Geit Khäm Pawi nami bi vai. Khaw hting khaw ah nami geit khäm ne nami m’kawn yawp ung Geit M’seh Pawi nami bi vai.

TAIGÜTHUM 23:17

A kyong khui päng naw m’htut pum goi ci law püi ne, aktung m’cümhnah nak ah Bawipa am pek vai. M’htut a pum phung cu m’htut den koi phli, k’caw shum ne ng’shai neta, khäm ah htang phung ungka, ak htük bäih htang douthak nak ah Bawipa am pek vai.

KHEI NAK 18:12

“A kum tä sei Israel gui naw ami na pek law ah m’thawk htük ciah akni pi gui avan cu ka ning pe gui ci nei; oliv situi, sapyit tui la htang,