TAIGÜTHUM 2:11 - Cho Bible Common Language 2016

¹¹ Htang douthak Bawipa am nami pek law phung cu, k’caw awn kä pyan en vai. Bawipa am douthak vai ah ei ung k’caw la khoitui kä nami shum phung vai.

TAIGÜTHUM 2:11 Referans Kwoze

KALATIAN 5:9

“M’htut den khui avan cu k’caw apihta naw thawh sak ci,” ciah thu cu ngaih-tüh ba vä.

LUKA 12:1

Cun yah ung phiaa m’ku-gha ah chang gui cu ng’tawn ne, ng’hnet tu ne gawk law u khätah, Bawipa Jesuh naw ang düihpüi gui-am, “Pharisee gui ah k’caw ah mäih ah ami thuvi cu nami geing nak vai,

PHYAWN NAK 23:18

“Sei me awn nami na khawihnah yah ung k’caw shum ah m’htut kä nami douthak en vai. Shin ah pawi ung nami khawihnah nak ah sei me a thau mah cu, khaw thai güt sei kä nami nawng en vai.

1 PETER 4:2

Tuhbäi khomdek pumsa awn nami ghin nak ba ah a khin ung, chang ah ng’yak hlü ah kä ghing ne, Khanpughi ah m’hni ah nami ghin vai.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

MAKUH 8:15

Bawipa Jesuh naw, “Nang mi naw Pharisee gui ah k’caw la Herod ah k’caw cu geing nah ne nami hlawi vai nei” cine ang düihpüi gui cu m’cäi gui ci.

NG'THU K'THUUK~ 25:27

Khoitui ada aih ah a kyak ung nang ah phäh ah kä nik ci, a cun ah mäih ah m’taam khah vai tha nak aih phi kyak ci.

NG'THU K'THUUK~ 25:16

Nang ung hlü ciah kawn ah m’däm ne khoitui kä na ei vai, ada aih ung ning lawk sak khai.

NG'THU K'THUUK~ 24:13

Ka hta aw, khoitui ei ä, cun cu nik ci. Khoi phiai ungka khoitui ah mäih phi m’lei ung tui ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

MATTHE 16:6

Bawipa Jesuh naw, “Nangmi cu pharisee gui la Sadducee gui ah k’caw cu ngaih na ne nami hlawi vai,” cine m’cäi gui ci.

PHYAWN NAK 34:25

“Seime awn nami khawihnah yah ung k’caw shum ah m’htut cu kä nami na douthak en vai. Phyawn nak pawi ung ngawn ah sei me ah asa cu a ngawi ung khaw ngawi güt a pihta phi kä k’pawih en nak vai.

PHYAWN NAK 29:25

Cun kawn ah ngami ungka la ba neta, mei awn m’khih ne douthak nak ah sonkiang khan ah m’khih vai, cun cu kei am ei nami na douthak ah kyak ci. Shin ah ng’ui ciah douthak nak naw kei cu na yeikyai sak ci nei.

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 6:10

Cun kawn ah taigü naw linen suinu sui ne, linen k’chi sa neta, sonkiang khan ung situi ah ng’shüi ciah m’vut cu heng ne sonkiang ah ang leng ung a tha vai.