TAIGÜTHUM 2:1 - Cho Bible Common Language 2016

¹ Chang tumat naw Bawipa am htang douthak nak abi ah a kyak ung, ani naw khui khai ah a den ma vai. Situi luh ne ang ui a shum vai.

TAIGÜTHUM 2:1 Referans Kwoze

THU PHLAAN 8:3

Cun kawn ah ghui tawnglang kawt ciah, khankho chang a hei cu law ne, sonkiaang ah pei ah ng’düi lawk ci. Ani cu mangkiaang ah maa ah ng’düi ciah ghui sonkiaang ah khan ah Khanpughi ah chang gui naw ami taigü nak vai la m’khih ne ami sonkiaan nak vai ah tui ng’uui akda ami peit ah kyak ci.

ISAIAH 66:20

Ngami naw chang pakhui gui ung ka, nami khochang avan cu m’cümhnak nak ah kei ah law püi ba khai gui. Israel gui naw htang-douthak nak cu theingcim nak vai Taigüim ah ami law püi ah mäih ah, ngami naw cun gui cu ng’se gui, la gui, kala uk gui la yatha gui la ng’hle gui aw thingcim ciah kei m’htung Jerusalem ung law püi khai gui.

TAIGÜTHUM 9:17

Ani naw htang-douthak nak cu pe ne, m’htut den shum ät cu la neta, sonkiang ung m’khih ci. (Cun cu a hnüüp tä ami bi ah m’khih ne douthak akbe nak ah kyak ci.)

JUDE 1:20

Cun ung phi ka teihpüi gui, nami mät ah theingcim pi k’bäih ciah yum nak ung cokyang khänghtek ne nami om vai nei. Mumcha Theing ah hlüngtai nak ah kyong ung nami k’taigü vai nei,

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

1 JOHAN 2:20

Cun ung phi Bawi Khrit naw nangmi ah khan ah Mumcha Theing cu ning m’kyum gui pyi ci kyasei, nangmi naw thu thuuk cu nami hmat pyi ci nei.

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

PHYAWN NAK 29:2

K’caw kä shum ah k’htang deen, amshah cu olive situi awn shon ah m’htut, amshah cu situi awn kä shon, la situi awn m’thau ah m’htut ang pam gui cu na mang vai.

JOEL 1:9

Taigüim ah douthak vai htang la sapyit tui kä om ci nei, Bawipa am ami douthak vai kä om sei, taigü gui thüikyap ci gui.

TAIGÜTHUM 5:11

Cun ah chang naw mümkha hnih, käcung mümhta hnih kä am hnüt hning ah a kyak ung, katphyawn douthak nak ah, m’htut den a pie a law püi vai. Cun cu oliv situi awn phi kä shawi vai, ang ui phi kä shum vai, a i ah kyasei ci ung cun cu katphyawn-douthak nak ah kyak ci, htang douthak nak ah kä kyak ci.

KHEI NAK 8:8

Cun kawn ah ngami naw sei hta tumat la hlü ciah htang douthak vai ah oliv situi awn k’caw ah m’htut den cu ami hteh püi vai. Cun kawn ah katphyawn douthak nak vai ah sei hta nami hteh püi vai.

KHEI NAK 18:9

Atheing thap pikbäih ah douthak sonkiang ung kä m’khih ah shin ah ak ka ungka gui cu nangmi ah khäm vai ah kyak ci. Htang douthak nak, katphyawn douthaknak la thung ba nak douthak nak, theingthap ciah douthak kei ung ami na pek law päng cu nang la na hta gui ah khäm ah kyak ci.

KHEI NAK 28:5

tumat cicu htang douthak m’htut den a pie ci awn m’khah vai, cun cu oliv-situi akni pi khap ät awn k’caw vai.

KHEI NAK 29:18

A hnüüp ät nak ung douthak ah a hei douthak nak gui avan awn m’khah ne douthak vai.

ISAIAH 43:23

Nangmi naw m’khih ne douthak ah htome cu kä nami na thak law ci nei; Nami khawihnah nak awn kei cu kä nami na m’tamkhah ci nei. Douthak vai gui k’thäh ne nami phuih kä ka gih sak ci, ang ui gui k’thäh ne kä ka ning yaica sak gui ci.

TAIGÜTHUM 6:7

Taigüpa naw chang ah katnak ah phäh ah khawihnah nak a douthak vai, cun ung ani cu m’geinsei nak gah khai.

TAIGÜTHUM 9:4

Hmuhchum douthak nak vai ah vantang hta la htome hta akhla ami law püi vai. Cun gui cu situi awn k’caw ah htang douthak nak awn a täng ah Bawipa am khawihnah ak vai. Ngami naw cun ah ami bi vai, a i ah kyasei ci ung tuhngawi Bawipa cu ngami ah ma ah ng’dang khai.

TAIGÜTHUM 14:10

A hnüüp cheit ung api ah phi kä kheihlik ne, kum ät lüng ciah htomehta akhla hnih la akhik tumat a law püi vai. M’htut den pie thum, olive situi awn k’caw la oliv situi k’am ah bum thum a ät a law püi vai.

TAIGÜTHUM 24:7

Ang thoot päng ung tui ng’ui tha vai, cun cu m’htut ah hnün ung Bawipa am ei-douthak ah m’hnüt nak ah kyak ci.

EZEKIEL 46:20

a pyen cu, “Shin ah hmun cu taigü gui naw katnak ah phäh ah khawihnah nak, käcung thungbanak-douthak nak ami shon nak la douthak ah m’htut ami ng’shai nak ah kyak ci. Cun ah kyasei chang gui natsak gui khai ah atheingcim cu cham ah k’pung ah kä law püi ah kyak ci.”