TAIGÜTHUM 19:9 - Cho Bible Common Language 2016

⁹ “Nami lolai ung nami khämtawng law ah a kyak ung, akcawi akem ah khüt sei kä nami ah vai, nami hmaa shüt gui ng’hlat ba ne kä nami shui ba vai.

TAIGÜTHUM 19:9 Referans Kwoze

TAIGÜTHUM 23:22

Nami lo ung geit nami khäm ung, akcawk akem ung khüt sei kä nami shui vai, nami hma pyi ah htang cu ng’hlat ba ne kä nami shui ba vai, dukhaih ci gui la khaw hei chang gui ah phäh ah nami nawng shüt vai. Bawipa cu nami Khanpughi nei.

RUT 2:15

Ani cu htang aat khai ah a hteh kawn ah Baoz naw bii bik ci gui am, “Htang pawk ah ng’yän nak ung ka phi ani naw la sä, a i phi kä nami pyen nak vai. Cun bang ah kä kyak ciah, ah pyi ah htang paw kung ka htang vui gui phi ani naw a kaw vai ah nami chah shut vai nei” cik ci.

RUT 2:2

Hnü ät ung Ruth naw Naomi am, “Lo ah na hteh sak ä, geit khäm ci gui naw ami hma ah htang vui gui cu ka khä khai nei. Kei awn ng’gui Ne na bi püi khai ah chang cu akcang ah ka hmuk khai nei” cik ci. Naomi naw, “Ka hta hnumi aw hteit ba ä” cik ci.

TAIGÜTHUM 23:29

Cu hnüüp ung chang tumat mat naw ei a ei ah a kyak ung, ani cu Khanpughi ah chang tumat ah kä k’bäi ba vai.

TAIGÜTHUM 19:8

Cun ei ciah chang cu katnak bik ciah kyak ci, kei am ami na vawihpeh a i baw düt ah cik ciah kyak ci, ani cu kei ah chang ah kä kya tuba khai.

TAIGÜTHUM 19:10

Sapyit lo ung nami hmaa shüt ah am theih gui cu ng’hlat ba ne kä nami k’bih ba vai, kiawi ciah am theih gui cu kä nami kaw ba vai, cun gui cu dukhaih ciah chang gui la a khohei chang gui ah phäh ah nami nawng pek gui vai, kei cu Bawipa nami na Khanpughi nei.

RUT 2:8

Boaz naw Rutha am, “Api ka ning m’cäi khai, shin ah lo ah kawn ah a hei ah hteit ne geit kä na khäm tu vai. Shin ung om ciah hnumi gui awn a täng ah na bi tu vai.