TAIGÜTHUM 19:8 - Cho Bible Common Language 2016

⁸ Cun ei ciah chang cu katnak bik ciah kyak ci, kei am ami na vawihpeh a i baw düt ah cik ciah kyak ci, ani cu kei ah chang ah kä kya tuba khai.

TAIGÜTHUM 19:8 Referans Kwoze

TAIGÜTHUM 22:15

Taigü naw cun ah douthak cu kä ei tu khin ciah chang ei tu sak ne, kä a ng’lat en sak vai; acun naw cheishoh nak la m’kyuk nak cu cun ah chang ah khan ah gawk sak khai. Kei cu Bawipa nei, kei naw douthak gui cu ka theingcim sak ci.

TAIGÜTHUM 5:1

Katphyawn-douthak nak gui cu aka ah a mawng ma gui ung hlü ci. Chang tumat cu yung ah saksi khai ah k’thäh u khäta, a hmuh ang yak ah mawng cu kä pyen ne a om ah a kyak ung, acun ah akat nak cu amät naw chaw nak khai.

TAIGÜTHUM 19:7

A i ah kyasei ci ung cun cu kä theingthap ba ci, Cun cu chang tumat mat naw a ei ah a kyak ung, nami douthak cu kei naw kä ka dou khai.

TAIGÜTHUM 19:9

“Nami lolai ung nami khämtawng law ah a kyak ung, akcawi akem ah khüt sei kä nami ah vai, nami hmaa shüt gui ng’hlat ba ne kä nami shui ba vai.

PHYAWN NAK 30:33

Shin ah mäih ah bik ciah chang, taigü ah kä kyak ciah khan ah mang ciah chang cu kei ah chang ah kä kya tuba khai nei’ cik ci.”

TAIGÜTHUM 7:20

Cun ung phi kä theingcim ci naw a ei ah a kyak ung ani cu Khanpughi ah chang ah kä kya ba khai.

TAIGÜTHUM 7:21

A cun ah mäih ah chang tumat naw kä theingcim ci a tawn kawn ah cun ah douthak ah sa a ei ah a kyak ung, chang ungka ah a kyak ung phi, sei ungka ah a kyak ung phi, ani cu Khanpughi ah chang ah kä kya ba khai.