TAIGÜTHUM 19:5 - Cho Bible Common Language 2016

⁵ “Hmuhchum-douthak nak vai ah seime ngami ngawn ah a kyak ung, kei naw ka ning pek gui ah thungyo cu nami k’pang khek vai, kei naw nami douthak cu ka dou khai.

TAIGÜTHUM 19:5 Referans Kwoze

TAIGÜTHUM 22:29

Nangmi naw yeikyai nak ah khawihnah nak cu Bawipa am nami douthak law ung thungyo gui cu nak läk vai, cu ung nangmi cu ning dou gui khai.

TAIGÜTHUM 7:16

Chang tumat naw khäntam bukbe nak ah hmuhchum douthak a law püi ah a kyak ung, käcung amät ah yum ah a douthak ah a kyak ung acun douthak hnüüp ung avan kä ei vai, pawih ba cicu lawk ciah hnüüp ung ei ba vai.

TAIGÜTHUM 22:19

Do pek vai cu, cun ah seime cu api ah phi kä kheihlik ciah ak hla ah kyak khai.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

EZEKIEL 46:12

“Apum avan m’khih ah phi kia, khawtsheng-douthak nak ah phi kia, manghta naw amät ah m’hni ah Bawipa a douthak hlü ah a kyak ung ani am akyong täng cham ung luh nak ah, ak kyang täng m’kawt cu hmawn pek vai. Ani naw kyin hnüüp ung a bi ah mäih ah douthak nak cu bik khai, ani a hteh ba kawn ah m’kawt cu khai ba vai.

EZEKIEL 46:2

Uktu manghta cu akpung täng cham ungka naw luh nak ah khan ung cun ah m’kawt ung hteit khai. Taigü naw a pum lüng m’khih ne khawihnah ne, khawtsheng-douthak nak a douthak yah ung, ani cu m’kawt tung pei ah ng’düi khai. Acun ah m’kawt ung ani naw khawihnah neta akpung ah hteit ba khai. M’kawt cu mühun güt ung kä khai vai.

2 SHONTÄP NAK 31:2

Ghangpughang Hezekiah naw taigü gui la Levit gui ah ami ng’bunghtawi nak phi m’hnüt pyan pe gui ci, acun ah ka ah tumat ci naw ng’shung khai ah ami bi vai kyak ci. Acun ung m’khih ne douthak nak la khawtsheng douthak nak, Taigüim kyong ah khawihnah nak ung bi amshah la Taigüim avan ung m’hlümtai nak la yeikyai nak gui om ci.

TAIGÜTHUM 22:23

Pängye douthak nak ah nangmi naw kä ng’müi ci, kä cung kä kümbe ciah seime phi, nami thak hning ci, cung phi cun cu shaitak ah kumbe nak ah douthak ah kä kyak ci.

TAIGÜTHUM 22:21

Chang tumat mat naw shaitak ah kümbe nak, kä cunung, pängye douthak ah hmuhchum douthak nak abi ah a kyak ung, seime cu api ah phi kä kheihlik ciah kyak khai, cun cu dou pek vai kyak khai.

PHYAWN NAK 24:5

Cun kawn ah chang nong gui tüi gui sei, ngami naw Bawipa cu m’khih ne khawihnah u ne, sei me gui awn khawihnah ne, hmuhchum douthak gui nak bik ci gui.

TAIGÜTHUM 19:4

“Kei kä nami na nawng vai, a gup kä nami khawihnah vai, m’sii cu Khanpughi ah a gup ah pyang ne kä nami khawihnah vai, kei cu Bawipa nami na Khanpughi nei.

TAIGÜTHUM 19:6

Meh cu seime ngawn nak ah hnüüp ung, kä cung a ngawi ung ei yawp vai. A hnüüp thum hnüüp pawih ciah meh cu m’khih vai.

TAIGÜTHUM 7:18

A hnüüp thum güt cun ah a sa cu ei ba ah a kyak ung, chang ah douthak cu Khanpughi naw kä dou khai. Douthak cu ani naw kä khei khai, kä theingcim ciah k’bäi khai. Cun ei ciah chang cu acun ah a phu ma na ne yaica khai.