TAIGÜTHUM 19:4 - Cho Bible Common Language 2016

⁴ “Kei kä nami na nawng vai, a gup kä nami khawihnah vai, m’sii cu Khanpughi ah a gup ah pyang ne kä nami khawihnah vai, kei cu Bawipa nami na Khanpughi nei.

TAIGÜTHUM 19:4 Referans Kwoze

TAIGÜTHUM 26:1

Agup, amüi, lungtung, lungpawng gui cu, khawihnah vai ah kä nami pyan vai, kei cu Bawipa nami na Khanpughi nei.

PHYAWN NAK 34:17

“M’shi khanpughi gui cu kä nami pyan vai, kä nami khawihnah vai.

PHYAWN NAK 20:23

Kei awn m’cawih ne khawihnah vai ah nami mät ah phäh ah ghui, ngui awn khanpughi kä nami pyan vai.

1 JOHAN 5:21

Ka hta gui aw, Khanpughi kä akcang cu nami phiawn nak vai a nami om vai nei!

THULÄÄN NAK 27:15

“Khanpughi ah plah taam nak cu lung, sing, käcung m’sii awn a gup pyang ne, adüm ah khawihnah ciah chang päng ah khan ah gawk sä. Bawipa naw a gup khawihnah ci cu thüi nak ci nei. “Chang avan naw ami m’shan vai cu ‘Amen.’

1 KORIN 10:14

Cun ah kyasei ka m’hni teihpüi gui aw, a gup nami khawihnah nak cu nawng shüt vä.

SAM 96:5

Chang khuihei gui ah khanpughi gui cu, a gup gui ah kyak ci, cun ung phi Bawipa naw khankho cu tüisho ci.

PHYAWN NAK 32:4

Ani naw hnganaak gui la ne tui khai ah shong ne lawi neta vantang ah ghui gup cu pyang ci. Chang gui naw, “Israel gui aw, shin cu mi Khanpughi, Egypt khaw ah ka na law püi ba gui ci” cik ci gui.

HAKKAI 2:18

Tuhngawi cu Taigüim lungtung k’süm, a küm nak ah a cha kaw nak, a hnüüp m’ku lei phi nak ah kyak ci. Tuhbäi ung tün ne ma lam ung a i ah a kyak law ah teng shüm vä.

TAIGÜTHUM 19:5

“Hmuhchum-douthak nak vai ah seime ngami ngawn ah a kyak ung, kei naw ka ning pek gui ah thungyo cu nami k’pang khek vai, kei naw nami douthak cu ka dou khai.

1 SHONTÄP NAK 16:26

Chang pakhui gui ah ami khanpughi gui cu a gup gui ah kyak ci nei, Cun ung phi Bawipa naw khankho cu tüipyang ci nei.

TAIGÜTHUM 11:44

Kei cu Bawipa nami na Khanpughi ah kyak ci, nangmi cu nami theingcim vai, a i ah kyasei ci ung kei cu ka theingcim ci.

TAIGÜTHUM 19:25

Cun ung phi a kum hma kum am theih cu nami ei vai. Cun ah avan nami bi ah a kyak ung nami sing gui cu m’theih law pi khai. Kei cu Bawipa nami na Khanpughi nei.

THULÄÄN NAK 4:16

A i ah mäih ah phi nami mät ah hmawk ah a gup pyang ne kä nami cheishoh en vai — pami, hnumi,

THULÄÄN NAK 7:25

Ami ngui ghui gui cu nami m’khih vai. Acun ung om ciah ngui ghui gui cu kä nami ng’yak hlü vai. Nami mät ah kaa vai ah kä nami lak en vai. Nami lak ah a kyak ung sih nak vai kya hning ci. A i ah kyasei ci ung Bawipa naw a gup cu thüi nak ci.

1 GHANGPUGHANG GUI 14:9

Nang naw na ma ung uk man ci gui ah däm pi khai ah katnak na bik ci nei. Nang naw a gup gui, amüi mah gui khawihnah vai ah pyang ne, na hnungtuk püi ne, na na m’lungshe sak ci nei.

2 SHONTÄP NAK 28:2

cun bäng kä kya ne Israel ghangpughang gui ah bi cu läk ci. Ani naw Baala ah m’si a gup gui cu pyan sak gui ne,