TAIGÜTHUM 19:33 - Cho Bible Common Language 2016

³³ “Nami khaw ung om tuk ci gui ah khaw hei chang gui cu akshe ah kä nami om nak gui vai.

TAIGÜTHUM 19:33 Referans Kwoze

PHYAWN NAK 23:9

“A khawhei chang kä nami shedam nak vai, nangmi naw akhohei chang naw a i a ngaih dam cu nami hmat ci, a i ah kyasei ci ung nangmi cu Egypt khaw ah a khawhei chang ah nami kya man ci.

PHYAWN NAK 22:21

“A khohei chang cu akshe ah kä nami shedam nak vai, Egypt khaw ah khawhei chang ah nami kyak man cu nami shüm ba vai.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 7:6

Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.

THULÄÄN NAK 24:14

Dukhaih ne gein vai ciah ng’vah changshäm cu kä nami she nak vai, nami Israel chang paw ah a kyak ung phi, nami gawnu tumat mat ung om tuk ciah khaw hei chang ah a kyak ung phi.

EZEKIEL 22:29

Mang ci gui naw hleei hlak nak la guttep nak bik ci gui. Ngami naw duhkhaih ci gui cu akshe ah om püi u ne, khohei chang gui cu lei ei ci gui.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

THULÄÄN NAK 24:17

“Khaw hei chang gui la hmei hta gui ah ami gah vai cu kä nami m’chei pek gui vai; hmei nu ah khuih yih cu ngui kyäu ah phäh ah kä nami lak pek vai.

THULÄÄN NAK 24:18

Nangmi Egypt khaw ah changshäm ah nami kyak, Bawipa nami Khanpughi naw a ning m’hlawt ba gui cu, nami shüm ba vai; cun cu kei naw thumkhän ka ning pek nak gui ah a mawng ah kyak ci.

THULÄÄN NAK 27:19

“Khanpughi ah plah taam nak cu khaw hei chang gui, hmei hta gui, hmei nu gui ah gah vaisü, chei sak ciah chang päng ah khan ah gawk sä. “Chang avan naw ami m’shan vai cu, ‘Amen!’

PHYAWN NAK 22:20

“Kei, Bawipa ah kawn ah a hei khanpughi khawihnah douthak cicu sih nak awn m’kyuk vai.