TAIGÜTHUM 19:31 - Cho Bible Common Language 2016

³¹ Aksi ah mümcha naw a luh nak ah chang cu m’cumcäi vai ah kä nami hteh shi vai. Cun ah nami bi ah a kyak ung nangmi cu kä theingthap ciah nami kyak khai. Kei cu Bawipa nami na Khanpughi nei.

TAIGÜTHUM 19:31 Referans Kwoze

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

TAIGÜTHUM 20:27

A u pami, a u hnumi phi aksi ah mümcha naw a kai ah chang cu lung awn vawi ne ngawn vai, a u chang phi a cun ah bik ciah chang cu a sih nak vai ma nak ciah kyak ci.”

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

2 GHANGPUGHANG GUI 21:6

Ani naw m’khih ne-douthak nak ah a htapa awn khawihnah ci. Ani naw cuun nak ce nak cu bilo ne, ng’cäbang ci la khoshe ah kai gui cu ng’shi k’thäh ci. Ani naw akdäm ah Bawipa cu hma ne hnungtuk püi ne, ani ah m’lung cu sheet sak ci.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 SAMUEL 28:3

Tuhbäi cu Samuel sik ci, Israel chang ami van cu ani ah phäh ah mang gaw Ramah ah k’phuh ci gui. Saul naw ng’cä bang thei ci gui la k’ce gui cu, Israel khaw ami hteh tak vai ah ak täm gui ah kyak ci.

ISAIAH 47:13

Nang cu ning m’cum’cäi khai om pang sei phi, na huham maih ci nei. Cecai ci gui na chang gui naw hmai ah law ne ning hun u sä. Ngami cu aisi ah mawng thei thang ci gui, khankhaw ung zone gui ah k’bou ne geei ci gui, ngami naw cha ät ung ka naw cha ät a i ah kya lawk khai ci cu, ning m’thein u sä.

ISAIAH 29:4

Jerusalem cu khomdek khui ah ng’thu pyen khai ah ng’ cou ng’tat ciah m’cha ah mäih ah kyak khai, m’vut khui hmu ung kä hteh ciah kaw lutlawk ciah mäih gh kyak khai.

PHYAWN NAK 22:18

“Cuun ciah hnumi cu ngawn vai.

KALATIAN 5:20

a gup khawihnah nak, ng’pluh nak, kawng gaa nak, ng’tuk ah nak, vamneng nak, m’lung she nak, ei hlü-mang k’phya nak; ng’khoikhei nak, ng’phyek ng’pai nak;

2 GHANGPUGHANG GUI 17:17

Ngami naw ami hta hnumi, pami gui cu m’khih-douthak nak ah pyang ne, khongyo khanpughi gui cu khawihnah ci gui; ngami naw khogam ah kai gui, cängbang ci gui cu ng’shikca u ne, ami mät naw ami mät ng’ap u ne, Bawipa täng ah hma cicu bi u ne, am lungshet sak ci gui.

LAMKTU 8:11

Ngami cu Simon ah ce ah mawng ung ami cäicat nak she law pyi ci kiah sei cun nah m’hteih ne ngai ci gui ah kyak ci.

TAIGÜTHUM 19:26

“A sa kyong ah asi om yah ciah meh cu kä nami ei vai. Cecai nak ah ei phung cu kä nami ei vai.

2 GHANGPUGHANG GUI 23:24

Taigütung Hilkiah naw Taigüim kyong ah a hmuh ah thukhän ca uk ung ami guk ah mäih ah Ghangpughang Josiah naw Jerusalem ungka la Judah khaw ungka, khaw ah kai gui la ng’cecäk ci gui avan, ami im kyong khanpughi gui, a gup gui avan la khongyo khawihnah nak ungka avan cu k’täm yawp ci.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.